तोयानाथ उपेक्षित,
पुराना दलबाट देश बनेन र बन्दैन भन्ने लगभग पक्का भएपछि ती दलहरुका कार्यकर्ताले खोजेको बैकल्पिक युवाशक्ति रास्वपाप्रति जनलहर सृजना भईरहदा उसलाई कसरी सिद्धयाउने भन्ने विशाल आक्रमणहरु देखा पर्दै आएका छन । कन्टेन्टमा सामान्य प्रकृतिका घट्नाहरु भए पनि तिललाई पहाड बनाएर प्रचार भईरहेका छन । उनीहरुको प्रचार देख्दा यस्तो लाग्छ रास्वपा छाडेर अरु सवै दल र तिनका नेताहरु साधु नै हुन ।
रास्वपा पनि उस्तै त हो नी भन्ने प्रचार सवैसम्म पुर्याउन पाए मास बेस पार्टी सक्किन समय लाग्ने छैन भन्ने उनीहरुको विश्लेषण अनुसार काम भईरहेको बुझ्न कठिन छैन । कार्यकर्ता रास्वपाका छैनन भएका भनेको जनता हुन तिनको दिमाग भुट्न र उनीहरुको चाहाना माथि भ्रम छर्न जे बोले पनि हुन्छ भन्ने कस्तो विचरा सोच हो बुझ्न गाहो छैन । अरुले हाती मारे पनि मुसा खाए कुनै समाचार बन्दैन तर रविको पार्टीले कुखुरा खाए पनि मान्छे नै चपायो भने जसरी प्रचार हुने गरेको छ । दल मात्र होईन यो सबै खेलमा १२ भाई पनि ज्यान फालेर लागेका छन ।
दुई अंकलाई ट्रोल बनाएर रबिमाथि दुई बुढी, दुई नागरिकता, दुई पासर्पोट र दुई करोड भन्न पाउँदा उनका विरोधीहरु कम्ता रमाएका छैनन । अरुले गरेका दर्जनौ दर्जन घट्नाका अगाडी दुई कति ठुलो कुरा भयो र ? त्यति मात्र होईन, यस्तो लाग्छ यो संसारमा दुई स्वास्नी, रबिका मात्र भए जस्तो, दुई नागरिकता रबिले मात्र लिए जस्तो, दुई पासर्पोट उनले मात्र बनाए जस्तो, र दुई करोड रवि ले नै लिएर खाए जस्तो गरि प्रचार यति घनिभूत छ तर उनको विरोधका लागि उठाएका यी हतियार पनि विलकुल भुत्ते हुने छन जसले रबिको रौ पनि खुईल्याउदैन । देशमा अहिले अरु पार्टीसँग अरु कुनै एजेण्डा नै छैन । देश टाट पल्टन लागेकोमा कुनै चिन्ता छैन, कुनै बहस छैन, शिर्फ चिन्ता छ त रास्वपाको । जनताले देशलाई ३२ वर्षमा एक नम्बरको कंगाल बनाउनेहरु, नजन्मदै ८० हजार ऋण थाप्लोमा भिराउनेहरुलाई जनताले अब चिन्न के नै बाकी छ र ? बेशरमहरु राजनितीबाट सन्यास लिन छाडेर युवाहरुको शसक्त आवाज दवाउन उल्टै उद्यत छन ।
ढाका कुमारले आवाज जाँचको लागि तयार भएको बताएका छन । उनले दुर्गा प्रसाईलाई कहिल्यै नभेटेको नचिनेको भनेका छन । उनलाई पार्टीले स्वास्थ्य मन्त्री बनाउछु नभनेको, आफूले त्यसका लागि कसैसँग लविंग पनि नगरेको हुदा २ करोड मलाई किन चाहियो उनले प्रतिप्रश्न गरेका छन । अडियोको स्वर आफ्नो नभएको बताउदै उनले कानूनी उपचारमा जाने भन्दै गरेको कुरा कोही सुन्न तयार छैनन । यदि उनी बास्तवमै निर्दोष रहेछन भने उनको स्वभिमान, राजनिती र ईज्जत माथिको खेलवाडलाई कसले जिम्मा लिन्छ ?
रास्वपाले प्रष्टै भनिसकेको छ । उनी दोषी देखिए पार्टी पार्टीबाट मात्र होईन अपराधिक कर्म गरेको अभियोगमा उल्टै आफै मुद्धा हाल्न जान्छौ । यो भन्दा बढि के सफाई दिन पर्ने हो र ? यदि डाक्टर ढाका कुमार दोषी भए पनि उनलाई पार्टीले उन्मुक्ति नदिने भने पछि अरु के गर्न पर्ने हो र ? कुनै मानिसको नियत संस्थागत नभएर व्याक्तिगत बन्छ भने रास्वपा को के दोष ? रास्वपाले जोगाउन खोजे त्यो बेग्लै विषय बन्छ तर यसलाई लाखौ कार्यकर्तामाझ प्रचार सामाग्रीका रुपमा उठाउन लगाउनेहरुको नियति त प्रष्ट नै छ नी ।
रबि लाइ जनताले एकपटक सत्ता र शक्तिमा नपुगेसम्म आँखा चिम्म गरेर समर्थन दिन पर्दछ । उनको टेष्ट नभएसम्म यसो गर्दा अन्धभक्त भने भनुन । उनी तिम्रो भगवान हुन भने भनुन । देशको चरम दोहन गर्नेहरुलाई जवाफ दिन तिनलाई विस्थापित गर्नै पर्दछ । यसो त यो उपचुनावले यी सवै चाहाना पुरा हुने भन्ने होईन तर यो एक प्रकारको मिनी जनमत संग्रह जस्तै हो । यसले रास्वपालाई मज्जाले स्थापित गर्दछ र अर्को चुनावमा बहुमतमा पुर्याउने छ ।
रबि लाई सिद्धयाउने भनेर लाग्नेहरुले अहिले ढाका कुमार श्रेष्ठको भनिएको अडियो टेप काण्डलाई व्यापक प्रचारमा ल्याएका छन । जब काण्ड बाहिर आयो रास्वपाले उनलाई सत्यतथ्य ७२ घण्टामा ल्याउने भन्दै उनका सवै जिम्मेवारीबाट निलम्बन गरेको छ । एक सांसदलाई आरोप लागि सकेपछि यो नै नेपालको ईतिहासमा सवै भन्दा छिटो लिएको एक्सन हो । अरु पार्टीका कुरा गर्दै नगरौं । भ्रष्टचार, हत्या, हिंसा वा अन्य अपराधिक घट्नामा संलघ्न आफ्ना नेताहरुलाई अदालत र अख्तियारले बोलाउदासम्म जोगाउन कोशिष भएका घट्ना छन । फैसलामा अड्काएर राखिएका छन, अनुसन्धान रोकाएर राखेका छन ।
विक्रम सम्बत २०४६ साल पछिका सवै मन्त्री, सांसद र उच्च पदस्त अहोदाका व्यक्तिहरको सम्पती छानविन गर्ने र भ्रष्टचारका फायल खोल्ने रास्वपाको घोषणालाई कार्यन्यवायनमा लान नदिने एक मात्र उपाय रास्वपालाई सिद्धयाउनु हो भनेर अन्य दल लागेको कसलाई थाहा छैनन ? यसर्थ रवि र रास्वपा विरुद्धका सवै षडयन्त्रलाई मुहतोड जवाफ जनताले दिन पर्दछ नत्र थप ६० वर्ष यो देश यसरी नै चल्नेछ ।
