झापाली समाज कुवेतले मेचिनगर ८ का गोबिन्द तामाङ लाई ११००० आर्थिक सहयोग गरेको छ । सो रकम समाजका सचिव निल प्रसाद न्याैपानेले पीडितका परिवारलाइ हस्तान्तरण गरेको कुरा समाजका प्रवक्ता श्रीकृष्ण पाैडेलले जानकारी दिएका हुन् ।
मिति २०७९/३/१६ गते बेलुका करिब ७:३० बजे अपरिचित गाडीको ठक्करबाट गम्भीर घाईते भएका तामाङलाई बिर्तामोडको बि एन्ड सि अस्पतालमा उपचारको लागि तत्काल लगिएको र निजको आर्थिक अवस्था अत्यन्तै नाजुक रहेको अवस्थामा झापाली समाज कुवेतसँग सहयोगको अपिल गरिएपछि समाजको बैठक बसि तत्कालको लागि उक्त रकम सहयोग गरेको हो ।
समाजका अध्यक्ष गोबिन्द प्रसाद तिम्सिनालाई मेचिनगर पालिका – ८ का वडा अध्यक्ष श्री गिरिराज धमलाले पत्रमार्फत आर्थिक सहयोगको लागि अनुरोध गर्नु भएको थियो सोही बमोजिम झापाली समाजको मासिक बैठकले निज तामाङ लाई रु ११००० आर्थिक सहयोग गर्ने निणय गरेको थियो ।
