“झरदेखी झरनासम्म, हाम्रो यात्रा सागरसम्म”
झरना = १० झर
१
गतिशील छ निरन्तर सबैको व्यस्तता,
मान्छे भएपछि बाँच्नु पर्ने हुन्छ बाध्यता।।
२
कहिले ठोक्करले सकियो यहाँ बाँच्न
कहिले दु:खले सकियो आफै नाच्न।।
३
लाहुरेको भोगाइ कति नमिठो लाग्छ
परिवार सम्झे मनले घर धेरै ताक्छ।।
४
पीडामा पिउनु मात्र नसिकाउनु प्रिय,
पीडामा जिउनु मात्र सिकाउनु अब प्रिय।।
५
खबर के लेखेर पठाउनु र तिमीलाई,
हालचाल यस्तै छ के बताउनु तिमीलाई ।।
६
परदेशमा तिम्रो यादले धेरै सताउछ,
बाच्ने रहरहरु मिठो बनाई हँसाउछ।।
७
हारेर जित्नु पनि सिक्नु पर्छ
मैदानमा धेरै बेर टिक्नु पर्छ।।
८
कति शब्दले पोलेर जान्छ,
कति शब्दहरू बोलेर जान्छ।।
९
मानव जिन्दगी हाँसेर बिताउनु छ,
पीडाहरू अब छातीमा लुकाउनु छ।।
१०
तिम्रो वियोगमा लडेको छु म,
जिउँदै आज यता मरेको छु म।।
कृष्ण शर्मा ‘सुमु’
सिलिगुडी
हाल: राँची, भारत ।
