दाइजो नपाएर चेली जलेकै छन् नेपालमा ।
बलत्कारीको चपेटामा परेकै छन् नेपालमा ।
किताब मै सिमित छ कानुनको दस्तावेज,
निर्धोलाइ थुन्ने कानुन बनेकै छन् नेपालमा ।
नगर देखि शहर सम्म चेलीबेटी लुटिन्छन्,
पहुँचवाला साथीहरु छुटेकै छन् नेपालमा ।
हामीले हिंसाबाट कसरी बचाउन सक्छौ र
सत्ताधारी नेताहरू नै चुकेकै छन् नेपालमा ।
अपराधी छुटेको देखेकोछौं गणतन्त्रमा नि,
न्याय मरेपछी अन्याय सहेकै छन् नेपालमा ।
सोमनाथ लुइटेल ‘रवि’ पाल्पाली
हालः युगाण्डा ।
