Friday 14th May 2021

कविताः गजब छ सरकार -नारायण कोइराला


धप, धप जल्दै छ धर्ती
आँसु र रुवाइको सामना गर्दै
खुल्ला जेलभित्र छट्पटीदै
कति बेला आउँछ कालको
निम्तो आफैले पर्खिएर
न हाँस्न सक्ने अवस्था छ
न बाँच्न सक्ने व्यवस्था
आफ्ना, आफ्ना छैनन
समय परिवेश नै यस्तो छ
सबै,सबैको सामुन्नेमा
छलिएर हिड्न पर्ने अवस्था छ
न कसैको हुन् सकिने
न कसैलाई सहयोग गर्न सकिने
हे!दुनिया कस्तो भयाे
आफ्नै आत्मा आफैं रुवाउने
मृत्युको मुखमा पुगे पनि
जल्न ठाउँ खोज्नु पर्ने
यो विचित्रको अवस्था
चीता माथि आगोको मुस्लो
धर्ती रगाउँदै छ

तर गजब छ यहाँ

यस्तो बेलामा पनि
राजनीतिक रोटी सेक्नु छ
कहाँ कसरी जनता जोगाउने होइन
सरकार जोगाउने होडबाजी छ
जनता रोडमा बन्द ,कोठामा रुदैछ
हे! सरकार अलिकति सरम गर
अहिले राजनीति होइन
जनता बचाऊ तिर लाग
यदि यो अवस्थामा जनताको
भएनौं भने चाहिँदैन यो राजनीति हामीलाई
केही त समय अनुसार चल
सबैको आँसु झार्ने होइन पुछ्ने कोसिस गर
गजब छ!सरकार भन्न पाइयोस्
धिकार छप, भनी तिम्लाई सराप्न नपरोस्।

नारायण कोइराला
तानसेन पाल्पा
हालः यूएई ।


Loading...
सम्बन्धित शीर्षकहरु

हरी कृष्ण न्यौपाने- स्याङजा घर भई लामो समय देखी पोखरामा बसोबास गरिरहेका र कुवेतमा रोजगारीका क्रममा रहेका टेकन गुरुङ ३…

तीतोपाटी - विश्वव्यापी कोरोना महामारीको दोश्रो लहर फैलिए यता नेपालमा कोरोना संक्रमित हुने र ज्यान गुमाउनेको संख्या बढ्दो छ ।…

रसै रुद्रैश्छिन्ना, यमनसभलाग: शिखरिणी ।🌷🙏🌺 म खाऊँ मैँ लाऊँ सुखसयल वा मोज म गरूँ म बाँचूँ मैँ नाचूँ अरु सब…

प्रतिकृयाहरू