Tuesday 19th March 2024

कमला भण्डारी ढकालका ५ मुक्तकहरू


१)
यी भ्रष्टचारीको शैयाको नाप कति धेरै होला ।
मनामा तड्पन टाउकोमा राप कति धेरै होला ।
स्वार्थको कुर्सीमा देशको नक्सा खोल बनाए,
जनताको श्राप र आफ्नो पाप कति धेरै होला ।

२)
बा-आमाको आशीर्वाद आफ्नाको माया भएपछि ।
वरपिपलको चौतारीमा ओत लाग्ने छाया भएपछि ।
हजारौं चोट खाएरै सहि मिल्छ हिम्मत लक्ष्य पुग्ने,
जीवनको यात्रामा इश्वर दायाँ,तिमी बायाँ भएपछि ।

३)
निस्वार्थ थ्यो प्रेम हुन्थेन मन भिन्न खुट्टा तानेर ।
थाहै थिएन मन भैदिन्छ र खिन्न खुट्टा तानेर ।
मनमौजी गर्थ्यौ बचपन एकअर्कामा मर्थ्यौ,
अहिले भने खोज्छ साथी उछिन्न खुट्टा तानेर।

४)
प्रेमको रङ्गमा भिजेर साधा बन्नुछ मलाई ।
र तिम्रो जिन्दगीको आधा बन्नुछ मलाई ।
आखामा सजाउ,मुटुमा लुकाउ तिम्रो मर्जी
न रुक्मेणी न मिरा बस् राधा बन्नुछ मलाई ।

५)
प्रेम देखाएर मालिले बेप्रवाह बेचिरह्यो ।
र जिन्दगीमा अर्कैको मनमौजीले रेटिरह्यो ।
सियो रोप्यो मुटुमा बन्धक बन्यो मालामा,
यसरी फूलले “फूल” हुनुको पीडा खेपिरह्यो ।

 

-कमला भण्डारी ढकाल
हाल :- इजरायल


सम्बन्धित शीर्षकहरु

"पाँचै तत्व पाँचै विकार पञ्चाङ्ग नै ठिक आधार"भन्ने मूल नाराका साथ पञ्चाङ्ग लेख्दै आएका छौं।यही सिलसिलामा साप्ताहिक पञ्चाङ्ग चित्रपट भाग…

मध्यपहाडी लोकमार्गअर्न्तगत् बागलुङको निसीखोला गाउँपालिका-६ को जाउलेपानी भन्ने स्थानमा यात्रुबाहक बस पल्टिँदा ८ जनाको मृत्यु भएको छ । घटनास्थलबाट ७…

सुन तस्करी प्रकरणमा मुछिएका नेकपा माओवादी केन्द्रका उपाध्यक्ष कृष्णबहादुर महरा पक्राउ परेका छन् । रुपन्देहीमा पक्राउ परेका महरालाई काठमाडौं ल्याइँदै…

प्रतिकृयाहरू
...