तीतोपाटी – विश्वव्यापी महामारी कोभिड – १९ विरूद्धको खोप कार्यक्रम चलिरहँदा पनि कुवेतमा कोभिड संक्रमितको संख्या बढे पछि कुवेत सरकारले पुनः सलुन र स्पोर्टस क्लबलाइ केहि समयको लागि बन्द गर्ने भएको छ भने सपिङ मल र रेष्टुरेन्टहरू पनि आंशिक रूपमा बन्द हुने भएका छन् ।
कुवेतमा कोरोना संक्रमितको दर बढ्न थाले पछि यहाँ स्थित मन्त्रीपरिषदले व्यवसायिक मल र रेष्टुरेन्टहरूलाइ बेलुकी ८ बजे देखि बिहान ५ बजे सम्मका लगि बन्द गर्ने निर्णय गरेको छ भने आगामी हप्ताबाट सो निर्णय कार्यन्वयन गरिने कुरा अल कबास डेली पत्रिकालाइ उधृत गर्दै टाइम्स कुवेतले समाचार प्रकाशित गरेको छ ।
त्यसै गरि सलुन, बारबर सप तथा स्पोर्टस क्लबहरू एक हप्ताको लागि पुर्ण रूपमा बन्द गरिने पनि समाचारमा जनाइएको छ भने हवाइ उडान भने यथावत रहने जनाइएको छ ।
