हरि कृष्ण न्यौपाने – तनहुँ घर भई कुवेतमा कार्यरत बिष्णु बिश्वकर्मा (सुनार) को हृदयघातको कारण मृत्यु भएको छ । गत नोभेम्बर १०,२०२० मंगलबारका दिन दिउँसो कुवेतको फर्वानियामा उनको मृत्यु भएको हो।उनी राष्ट्रिय पन्चेबाजा समूह कुवेतका अध्यक्ष तथा लाली गुराँस सांस्कृतिक समूह नेपाल-कुवेतका उपाध्यक्ष समेत रहेका थिए।
नेपाली राजदूतावास कुवेतका दितिय सचिब श्रीकृष्ण सिलवालले भने”राहदानी नं-०७७६९९४५ रहेका बिष्णुको मृत्यु पश्चात सबै कानूनी प्रकृया पुरा गरि शब नेपाल पठाउने तयारीमा दूतावास रहेको बताए । उनले थपे, मृतक पहिले आएको कम्पनी बाट रिलिज लिएर म्यान शैलुन (Cut Loss health institute for Man ) मा काम गर्दै आएका थिए।कम्पनी र परिवार संग सम्पर्क भैसकेको छ, उनीहरु संग समन्वय गरेर छिट्टै नै शब नेपाल पठाइने छ ।
कुवेतको नेपाली समाजमा परिचित मृतक बिष्णुका श्रीमती, किशोराबस्थाका एक छोरी र एक छोरा छन् ।
