तितोपाटी- बुटवल हाटबजारको टेण्डर खोल्ने विषयमा भएको विवादमा सोमबार प्रहरी र व्यवसायीविच झडप भएको छ । बुटवल उप महानगरपालिकाको स्वामित्वमा आएको बुटवल हाटबजारको ९६ वटा सटरको नयाँ टेण्डर प्रक्रियामा व्यवसायीले अवरोध गर्न खोजेपछि प्रहरीले बल प्रयोग गरेको हो । प्रहरीको लाठीचार्जवाट केही व्यवसायी घाइते भएका छन । प्रदर्शनमा सहभागी व्यवसायीले महानगरले नियम विपरित टेण्डर प्रक्रिया अघि बढाएको आरोप लगाएका छन ।
पहिलेदेखि शेर्पा टि कम्पनीसँग भाडामा लिएर बसेका ब्यवसायीहरूले उप महानगरको नयाँ टेण्डर खोल्ने क्रममा अवरोध गर्न खोजेपछि बल प्रयोग गरिएको प्रहरीले जनाएको छ । महानगरले पनि पुरानो ठेक्का सम्झौताको म्याद सकिएकाले कानुन अनुसार नयाँ प्रक्रिया अघि बढाएको जनाएको छ ।
महानगरपालिकाले १७ वर्ष पहिले सार्वजनिक साझेदारी कार्यक्रम अन्तर्गत शेर्पा टिलाई पन्ध्र बर्षका लागि सटर भाडामा दिएको थियो । सम्झौता अनुसारको म्याद दुई बर्ष अघि नै सकिएपछि नयाँ प्रक्रिया अनुसार टेण्डर अघि बढाएको हो ।
