कुशे औँसी तिम्रो जन्म मोती भनी नाम निको।
भानुभक्त थिए गुप्त चिनाउने काम निको ।१।
भानुभक्त सरी तिमी राम भक्त थियौ आफू।
दुबै मिली जपिएको भक्तिभाव राम निको ।२।
सानैदेखी अति उच्च थियो मनोभाव पनि
काठमाण्डौ जन्म तिम्रो जन्म ठाम निको।३।
तिज कथा पिकदुत अझै अरु थुप्रै कृति
सुमधुर शैलीसँग मिसिएको साम निको ।४।
परोपकारैमा डुबी गयौ सारा जुनी भर
कतै पनि नलोभिने देखिकन दाम निको ।५।
-हरि शर्मा (गलकोटे कवि)
गलकोट, बागलुङ नेपाल
हाल: मिशिगन अमेरिका ।
