असार पन्ध्र चिउरा दही साउन खिरले ।
खाएर हिँड्दा रोगले छाड्छ छाड्दछ पिरले ।१ ।
कृषिमा भर परेका हामी नेपाली महान ।
ज्युनार गर्छौँ पोषिला कुरा मिलेर जहाँन ।२ ।
कहिले खान्छौँ सर्वत सातु कहिले क्वाटी नि ।
इश्वर पूजा गरेको अर्थ बहाना भेटिने । ३ ।
साउन मास खटिरा लुतो अनेक रोगले ।
झम्टन खोज्ने त्यसैको बीच कोरोना शोकले ।४ ।
पोषिलो खिर पकाई खाँदा अत्यन्तै उत्तम ।
कुँडेमा दूध डालिमा त्यतै चामल हुँदामा ।५ ।
अभाव हुँदा मनले मात्र चिताए पुग्दछ ।
खिरको स्वाद कल्पेर पनि हृदय बुझ्दछ ।६ ।
साउन मास शिबको पूजा अत्यन्तै राम्रो छ ।
घरमा रुद्री लगाई राख्ने चलन हाम्रो छ ।७ ।
अनिकालले सताउनाले कालको डर छ ।
यमराज पनि शिवको पूजा गरेमा डर्दछ ।८ ।
स्वर्गमा बिष्णु सुतेको बेला बखत राम्रो छ ।
मिलेर सबै बचाए बच्छ सँस्कार हाम्रो त ।९।
हरि शर्मा (सुबेदी)
नुवाकोट-गलकोट, बागलुङ नेपाल
हाल: मिसिगन अमेरिका ।
