Friday 29th August 2025

तीन चोटिला मुक्तकहरू – हरि शर्मा(सुबेदी)


तीन चोटिला मुक्तकहरु
************************
आकाश गड्गडायो खुबै सँग तर झरी बर्सेन कतै ।
कुकूर बेसरी भुक्यो गल्लीमा तर हात्ती तर्सेन कतै ।
कामको मात्र प्रशँसा हुन्छ लोकमा कुराले के गर्ला खै,
लाखौँ बिन्ती गरेपनि त्यो निर्दयी चट्टान सर्सेन कतै । १ ।

बाँदर अहिले लोकमा अर्को सँगी बाँदर सँग छ ।
अर्काको घर भत्काउनमै ब्यस्त, मक्ख अनि दङ्ग छ ।
कति जुट्नेहुन् बाँदरहरु अर्काको घर भत्काउने कर्ममा,
देख्छु सबै बाँदरहरुको स्वभाव उस्तै रूप अनि रङ्ग छ । २ ।

हुँदा-हुँदा लोकमा मान्छे पनि बाँदर जस्तै बनेको छ ।
बाँदरबाट बिकसित भन्छन रूप झन्डै उस्तै बनेको छ ।
सिको पनि बाँदरकै गर्‍यो मान्छेले, सहेन प्रगती अरुको,
बिगार्ने कलामा बाँदरको सिको जस्ताको तस्तै गरेको छ । ३ ।

हरि शर्मा (सुबेदी)
गलकोट- बागलुङ, नेपाल
हाल: मिसिगन अमेरिका ।


सम्बन्धित शीर्षकहरु

तितोपाटी- पाल्पामा स्क्रब टाइफसबाट एक बालिकाको मृत्यु भएको छ। उनकाे तीन दिनअघि उपचारका लागि तानसेन ल्याउँदै गर्दा बाटाेमै मृत्यु भएकाे…

हिन्दू नारीहरूको महान् पर्व हरितालिका तीज आज भाद्र शुक्ल तृतीयाका दिन देशभरका शिवालयहरूमा विशेष पूजा–आराधना गरी मनाइँदैछ। यस दिन महिलाहरूले…

इजरायली युद्धक विमानहरूले यमनको राजधानी सानामा हुथीहरू विरुद्ध आक्रमण गरे र दुई पावर स्टेशनहरू र इन्धन डिपो बाहेक राष्ट्रपति दरबार…

प्रतिकृयाहरू
...