गजल
झरझर झरि पछि उज्यालो घामको आसमा ।
मुटु छुने जाडो पछि न्यानो यामको आसमा ।।
प्रतिक्षा छ अन्धकार चिर्ने आकांक्षा लिएर
पर्खि बसे थालनी सुनौलो कामको आसमा ।।
गरीबीको पीडा झन् झन बढ्यो आँसु पिएर
पसिना बिक्री हुँदै थियो केहि दामकोआसमा ।।
सधैँ अभाव झेलिरह्यौं च्यातिएको मन सिएर
सन्ततिको भविष्य अनि मामको आसमा ।।
अझै पनि अघि बढ्दैछौं कर्तव्य निष्ठ रहेर
मृत्युपर्यन्त पुग्ने ईश्वरीय धामको आसमा ।।
