परदेशीको क्रन्दन
-एस. के. चौलागाई
संगै घर-परिवार सँग बस्न मलाई पनि थियो रहर ।
परदेश आको छु पैसा कमाउन, छोडी आफ्नो घर।।
बिर्सु भन्छु मन भरी साहु को रिन को पिरै छ ।
ज्यान त बसो मरु भुमी मा मन नेपाल तिरै छ।।
उडेको चरो खस्छ यहाँ ५५ डिग्रै को घाम ले ।
अरुको देशमा टिक्न, कति गार्हो छ यहाँ कामले।।
आएन छोरो भनेर बुबा आमा खुब दुखी बन्दा हुन
परदेशी छोरो यसपाली पनि घर फर्केन भन्दा हुन।।
हर पल रुन्छु अरुको ठाउँमा, काम गर्दै रातमा ।
भागेर आफ्नो घर आउँ भने पासपोर्ट छैन हातमा।।
म त परदेश आएँ अब धन कमाउन बैरागी बन्दै
घरमा साहु आएर कराउँदो हो मेरो पैसाले भन्दै।।
सिन्धुली नेपाल
हाल: मरूभूमिको देश कुवेत
