तोयानाथ उपेक्षित – एनआरएनका पूर्व अध्यक्ष भवन भट्ट नै मातेर आफ्नो र संगठनको शाख कमजोर पारेको भन्ने हल्लाका बीच भएको नवाैं विश्व सम्मेलनले सवैलाई निराश बनाई दियो । जब केन्द्रीय समितीको मुख्य पदका उमेद्धारहरु नै एनआरएन टाट पल्टेको सूचना चुहाउदै यसलाई सुधार गर्ने भन्दै भोट माग्दै थिए ।
एकातिर संस्थापक अध्यक्ष उपेन्द्र महत्तोले यो सम्मेलनलाई बहिस्कार गरेका कारण प्रसस्त खटपटी देखिन्थ्यो भने अर्कोतिर अध्यक्षका प्रतिस्पर्धीहरू मध्ये कसलाई जिताउने भनेर आ-आफ्ना समर्थकहरु उत्तेजित भईरहेका थिए । नराम्रो सन्देश त त्यतिवेला गयो की केही राजनैतिक दलका नेताहरु हायात होटलमा डेरा जमाउन आईपुगे ।
ठुलो जमात उत्साहपूर्वक सहभागी भईरहेको भए पनि दोश्रो दिनबाट होटलमा भएको अव्यवस्था दिक्क लाग्दो हुदै गयो । कुपन लिएर थाल थाप्न पर्दा कुपन भुल्ने र हराउनेहरु लज्जित देखिन्थे । उसिनेको खाना स्वादिलो त छदै थिएन तर भोक मिठो भएकाले हिडेर टाढा जान भन्दा खानै पर्ने बाध्यता थियो । पाल टाँगेर खानपानका मेसहरु अस्थायी रुपमा बनाईएका थिए जहाँ २० वटा टेवल र ५० वटा कुर्शी पनि थिएनन । हातमा काँटा, चमच, टावल र प्लेट लिएर उठी उठी गाँस हाल्न निक्कै शकसपूर्ण काम थियो । पानी कसले ल्याई दिने ? हिक्का छुटे पछि पानीको बोतल खोज्न दौडनु त छदै थियो । चौरमा फोहर देखिन्न थियो तर सफा थिएन । दिनहुँ एउटै मैदानमा पोखिएको खाना, रस, पानी र सव्जीको झोल सुकेको झार मा बस्नुपर्ने विडम्बना पाँच तारे होटलमा केही नभएको जात्रा जस्तै थियो । एक हिसावले भन्दा सम्मेलन स्थलमा टुस्स बस्ने ठाउँ नै थिएन । कुन लबी कुन यार्ड कुन पार्किङ ।
महत्तोले जुटाए, घलेले उठाए भट्टले सकाए भनेर प्रचारित सम्मेलनमा १४ करोड ऋणमा एनआरएन भएको सुन्दा निक्कै खिन्न हुन्थे डेलिगेट्सहरु । एनआरएनका क्षेत्रिय समितीहरुको काठमाण्डौमा कहि कतै बैठक बस्ने कोठा नभएको पीडा केन्द्रिय समितीको भवन बन्दा झनै दुःख लाग्दो थियो । तिनका लागि बालुवाटारको त्यो भवन कागलाई बेल पाके पनि हर्ष न विस्मत भने झै भएको थियो । तल्लो तला भाडामा दिएको कुरा कसैलाई पचेको थिएन । आफ्नै पूर्व कार्यसमितिसँग असन्तोषी एनआरएनएहरु त्यति बेला अति रिसाए । लबी बाहिर रहेका दुई चार वटा वेन्च र टेवलका खुट्टा भाचिए । त्यो अव्यवस्थापन, निर्वाचन समितीको लापर्वाही र गैह् जिम्मेवार व्यवस्थापन देख्दा धन्न दुई चार जना मान्छेका खुट्टा भाचिएनन । पाँच बजेबाट मतदान भनेर प्रचार गरे पछि २ बजे देखि लाईनमा बसेका सयौ मतदाता राती आठ बजे पनि मतदान नहुँदा गायत्री मन्त्र जपेर उभिन सकेनन । बस्ने सम्मको व्यवस्था हुदो हो त कतै भजन गाउने थिए की ? निर्वाचन समिती प्रतिको आक्रोस र घृणाको सिमा थिएन । धिरतापूर्वक प्रतिक्षाको बाध फुटेपछि पोखिएको सांकेतिक असन्तोषलाई नेपालका पत्रकार र विद्धान लेखकहरुले तिललाई पहाड नै बनाई दिए । टाई र कोटको खिल्ली उडाउँदै समाचार बनाए । उनीहरुको एनआरएनहरुका विरुद्धमा कति ईश्र्या र जलन रहेछ भन्ने कुरा बुझ्न तिनका कमेन्ट र समाचार विश्लेषणका हेडलाईन नै काफी थिए । निर्वाचन समितीको हेलचक्र्याइले एनआरएनहरुलाई बदनाम गराउँन राम्रै स्पेस प्रदान गर्यो । यसको दोष एनआरएन मतदाता कसरी भए ? जिम्मा पूर्व नेतृत्व वा निर्वाचन समिती कसैले लिएको र गल्ती प्रति क्षमा यचना नगर्नु एक प्रकारको हठ र अपमान पनि हो । जे होस पूर्व निर्धारित मिती भन्दा ढिलो गरि निर्वाचन गर्दा लगभग ४ सय मतदाताले बहिस्कार गरेको जस्तो देखियो । मन पीरो पारेर कतिले विश्व सम्मेलनको यात्रालाई अन्तिम भन्दै हिडे । अबको नेतृत्वले यी सवै कुरा मनन गरेको भए धमिलिएको एनआरएनको छवी सफा पार्न पर्याप्त समय छ सवैले मनन गरेकै हुन पर्दछ । क्रमस …
