तितोपाटी – धादिङ बेनिघाट रोराङ गाउँपालिका कृष्णभीरस्थित पृथ्वी लोकमार्गमा बस र २ वटा माइक्रो ठोक्किँदा दुई जनाको मृत्यु भएको छ। दुर्घटनामा ३० जना घाइते भएका छन्।
आइतबार काठमाडौंबाट चितवनतर्फ जाँदै गरेको लु १ ख ९०७९ नम्बरको बस, चितवनबाट काठमाडौं आउँदै गरेको बा ३ ख १००४ नम्बरको माइक्रो र बा २ ख ४५६७ नम्बरको माइक्रो ठोक्किँदा धादिङ महादेवस्थान ८ का २७ वर्षीय श्यामकुमार श्रेष्ठ र अर्की एक २० वर्षिया युवतीको मृत्यु भएको जिल्ला प्रहरी कार्यालय धादिङले जनाएकाे छ ।
मृतक दुबैको शव यतिखेर गजुरी अस्पतालमा राखिएको छ। दुर्घटनामा घाइते १८ जनालाई काठमाडौं रिफर गरिएको छ ।
जिल्ला प्रहरी कार्यालय धादिङले जनाए अनुसार दुर्घटनामा घाइते ३० मध्ये १८ जनालाई काठमाडौं रिफर गरिएको छ भने अन्यको स्थानिय अस्पतालमै उपचार भइरहेको छ ।