तितोपाटी – सोलुखुम्बुमा १३ वर्षीया किशोरीलाइ ललाइफकाइ बलात्कार गर्ने २५ वर्षे एक युवक पक्राउ परेका छन् । जिल्ला सदरमुकाम सल्लेरीमा १३ वर्षीया एक बालिकालाइ हिँजो सोमबार साँझ ललाइफकाइ नजिकैको जंगलमा लगेर बलात्कार गरेको आरोपमा २५ वर्षीय एक युवकलाई प्रहरीले पक्राउ गरेको हो।
पीडित बालिकाको स्वास्थ्य परीक्षणपछि आफन्तको जिम्मा लगाइएको प्रहरीले जनाएको छ। बालिकाको अवस्था सामान्य छ। बालिकाले अभिभावकलाई घटना बताएपछि अभिभावकले प्रहरीलाई खबर गरेका थिए।
खबर पाएलगत्तै प्रहरीले बलत्कारमा संलग्न युवकलाई सल्लेरी बजार आसापासबाटै पक्राउ गरेको हो। युवकलाई हिरासतमा राखेर अनुसन्धान थालिएको प्रहरीले जनाएको छ।
