तितोपाटी – म्याग्दी जिल्लाको बेनी बजार आसपासबाट ६ जना लागुऔषध कारोबारी पक्राउ परेका छन् । अस्ति शनिवार साँझ बेनी बजारका आसपासबाट लागुऔषध कारोबारमा सक्रिय २ जना युवती र ४ जना युवाको समुहलाई जिल्ला प्रहरी कार्यालय म्याग्दीले नियन्त्रणमा लिएको जनाएको छ ।
लागुऔषध कारोबारी बाट ८६ सेट डाईजापाम, फेनेरागन र नुर्फिन बरामद गरेको जिल्ला प्रहरी कार्यालय म्याग्दीले जनाएको छ । लागुऔषध सहित पक्राउ परेकाहरुलाई जिल्ला अदालतबाट १० दिनको म्याद लिएर अनुसन्धान भैइरहेको जिल्ला प्रहरी कार्यालय म्याग्दीका प्रहरी नायब उपरिक्षक महेन्द्रप्रसाद मरासिनीले जानकारी दिए ।
मरासिनीको अनुसार, पक्राउ परेकाहरुले व्यवसायिक रुपमा लागुऔषध कारोबार गर्दै आएको खुलेको छ । लागुऔषध सहित पक्राउ पर्नेमा बेनपा–८ की रेजिना श्रेष्ठ, बिजय बानियाँ, रघुगंगा गाउँपालिका–१ का निखिल फगामी, मंगला गाउँपालिका –३ की सिता केसी, बेनपा–९ का राजकुमार शेरपुञ्जा, रघुगंगा गाउँपालिका– ६ का प्रविण छन्त्याल रहेको बताएका छन । रातको समयमा शंकास्पद रुपमा हिँडीरहेको अबस्थामा पक्राउ गरिएकाहरुबाट थप अनुसन्धान भैइरहेको जिल्ला प्रहरी कार्यालयले जनाएको छ ।
