तितोपाटी – काठमाण्डाैं उपत्याकाका विभिन्न स्थानमा अवैधानिक रूपमा याैनधन्दा गर्ने १२५ जनालाइ काठमाण्डैं प्रहरीले पक्राउ गरेको छ । राजधानीका विभिन्न स्थानबाट प्रहरीले यौन ब्यावसायमा संलग्न रहेकाे अाराेपमा १ सय २५ जनालाइ पक्राउ गरेको हो । सर्वसाधारणको भिडभाड हुने क्षेत्रहरूबाट उनीहरूलाइ पक्राउ गरिएको हो ।
काठमाडौंका विभिन्न चोकमा बसेर महिलालाई फकाइ फुलाइ रेष्टुरेण्ट बारमा लाने अनैतिक ब्यबहार गर्ने गरेको आरोपमा उनीहरुलाइ पक्राउ गरिएको हो ।
महानगरीय प्रहरी परिसर काठमाडौंका प्रहरी प्रमुख वरिष्ठ उपरिक्षक उत्त्मराज सुवेदीका अनुसार उनीहरुलाइ काठमाडौंका नयाँ बसपार्क, पुरानो बसपार्क, गौशाला, बागबजार, चावहिलल लगायतका स्थानबाट सोमबार पक्राउ गरिएको हो ।
उनीहरुलाई पक्राउ गर्न सादा पोशाकमा महिला प्रहरीलाई संकास्पद क्षेत्रमा परिचालन गरेको थियो । पक्राउ परेकालाई म्याद थप गरी अनुसन्धान गरिरहेको परिसरले जनाएको छ।
