हरि कृष्ण न्यौपाने-काभ्रेपलान्चोक घर भई केही समय देखी ईराकको इर्बिलमा कार्यरत ३३ बर्षिय रुप बहादुर गोलेको ईराकमै मृत्यु भएको छ।राहदानी नं:-०७४६३३३८ रहेका गोलेको गत नोभेम्बर-२७, २०१८का दिन मृत्यु भएको हो।
ईराकमा रहेका नेपालीहरुको पनि समस्या हेर्दै आएको नेपाली दुताबास कुवेतका दितिय सचिब ज्ञान बहादुर मगरले तितोपाटी डट कमसंग भने” रुप बहादुर गोलेको ईराकको इर्बिलमा मृत्यु भएको र उनको शबलाई नेपाल पठाउने लगाएतको अन्य कानुनी प्रकृयाको लागि नेपाली दुताबास कुवेतले प्रकृया अगाडि बढाएको छ।”मगरले थपे”अस्पातलको रिपोर्टमा जनाईए अनुसार गोलेको श्वासप्रश्वास र मुटु रोगको कारण गत नोभेम्बर-२७ तारिक ईराकको एक अस्पातलमा मृत्यु भएको हो।
दितिय सचिब ज्ञान बहादुर मगरका अनुसार मृतक रुप बहादुरको श्रीमती बिष्णु माया गोले पनि ईराकको इर्बिलमै कार्यरत रहेकी छिन।उनी संग नेपाली दुताबास कुवेतको सम्पर्क भैसकेकोले मृतकको शबलाई नेपाल पठाउने लगाएत अन्य कानुनी प्रकृयाहरुमा नेपाली दुताबास कुवेतले आबश्यक साथ-सहयोग गर्ने छ।
