Wednesday 12th December 2018

कतार तेल उत्पादन गर्ने राष्ट्रहरूको संगठन(अोपेक)बाट अलगिंदै


तितोपाटी – कतारले ग्याँस उत्पादनमा आफ्नो क्षमता बढाउने लक्ष्यका साथ सन् २०१९ को शुरुमा तेल निर्यात गर्ने मुलुकहरूको संगठन (ओपेक) बाट बाहिरिने भएको छ । कतारका इन्धनमन्त्री साद अल–कावीले सोमबार उक्त घोषणा गरेका छन् ।

उनले कतारको निर्णयलाई ‘प्राविधिक र रणनीतिक’ भएको बताउँदै यसको कतारलाई लगाइएको नाकाबन्दीसँग कुनै सम्बन्ध नरहेको पनि प्रस्ट पारे । ओपेकमा कतार सन् १९६१ देखि सदस्य बन्दै आएको थियो । पूर्व सहयोगी मित्रराष्ट्र साउदी अरबले विगत १८ महिनायता दोहालाई बहिष्कार गर्दै आएको अवस्थामा कतारको यो निर्णय आएको हो । कतारले सन् २०१९ को जनवरीदेखि लागू हुनेगरी ओपेकबाट छुट्टिने घोषणा गरेको हो । इन्धनमन्त्री कावीले दोहामा सोमबार बिहान पत्रकार सम्मेलन गरी उक्त सूचना सार्वजनिक गरेका हुन् ।

यद्यपि कतारको यो पछिल्लो निर्णय साउदी अरब वा यसका अन्य सहयोगी खाडी राष्ट्रसँग तनाव बढाउने उद्देश्यबाट प्रेरित भने नभएको मन्त्री कावीको भनाइ छ । मन्त्री कावीले कतारको निर्णयका बारेमा ओपेकलाई पूर्व जानकारी दिइएको बताए ।

कतारले तेल उत्पादनलाई निरन्तरता दिने र ल्याटिन अमेरिकी मुलुकको सबैभन्दा धेरै तेल आयात गर्ने मुलुक ब्राजिललगायतका देशहरूसँग सम्झौता गरेर अघि बढ्ने कावीले स्पष्ट पारेका छन् । यद्यपि उनले आगामी दिनमा कतारको प्रमुख प्राथमिकता ग्याँस उत्पादन गर्नुभएको चर्चा गरे । कतार ग्याँस आपूर्तिका हिसाबले विश्वको सबैभन्दा धेरै ग्याँस आपूर्ति गर्ने मुलुक हो । ‘हामीसँग तेलको त्यति ठूलो सम्भावना छैन । हामी यथार्थपरक हुनैपर्छ । हाम्रो क्षमता नै ग्याँस हो’, मन्त्री कावीले भने ।

कतारले हालको ग्याँस उत्पादनलाई सन् २०२४ सम्म प्रतिवर्ष ११ करोड टन ग्याँस उत्पादन गर्ने लक्ष्य लिएको बताउँदै ग्याँस आपूर्तिलाई विशेष महत्व दिने उनको कथन छ ।

कतारले प्रतिदिन ५ लाख ब्यारेल तेल उत्पादन गर्ने गरेको र यो कच्चा तेल उत्पादनका हिसाबले सत्रौँ ठूलो तेल उत्पादक राष्ट्र हो ।


Loading...
सम्बन्धित शीर्षकहरु

तीतोपाटी-राष्ट्रिय सङ्गीतकर्मी सङ्घका अध्यक्ष तथा चर्चित गायक  राजेन्द्र कुमार कार्कीको नयाँ गित चोयाको डोको बजारमा सार्वजनिक भएको छ।दमौलीमा गेट,पापी सन्सार,माला…

तितोपाटी - काठमाडौंमा अस्थायी रुपमा सञ्चालनका लागि भनेर ल्याइएका विद्युतीय बस त्यसै थन्किएका छन् । प्रधानमन्त्री केपी शर्मा ओली आफैंले तामाझामका…

तितोपाटी - मंगलबार राति फ्रान्समा एक क्रिसमस बजारमा बन्दुकधारीले गोली चलाउँदा ४ जनाको मृत्यु भएको छ भने दर्जनभन्दा बढी घाइते भएका…

प्रतिकृयाहरू