तिताेपाटी – श्रम कार्यालय ताहाचालको मुख्य समस्या भनेको बाटोमै तान्न आउने बिचौलिया र उनिहरुकै सेटिङमा काम गर्ने प्रहरी र कर्मचारी हुन् । यही विषयमा रिपोर्टिङ गर्न पुगेको हाम्रो टिमलाई रोक्ने तर १५ सय रुपैयाँ लिएर काम गर्ने विचौलियालाई स्वागत गर्ने परिपाटीको बिषयमा गत कार्यक्रममा रिपोर्टिङ गरेका थियाँै ।
लगत्तै लाइभ कार्यक्रममा कार्यालय प्रमुख युवराज खतिवडाले प्रमाण पुगे विचौलीया वा आफ्नै कर्मचारी भएपनि कारवाहीका गर्ने बताएका थिए ।
यसको भोलीपल्टै श्रम कार्यालय ताहाचलमा विचौलियाको काम गरिरहेका बाफलका ऋषी मोक्तान, मोरङ घर भई हाल बाफल बस्ने रोशन शिवाकोटी र झापाका हिरा बहादुर धिमाललाई कालीमाटी प्रहरी वृतले पक्राउ गरेको छ ।
प्रहरी वृत कालिमाटीका प्रमुख प्रहरी नायव उपरीक्षक देवेन्द्र पालका अनुसार उनिहरुले सोल्टी मोडदेखिनै श्रम अनुमतीका लागि आउने व्यक्तिलाई हातमै तानेर प्रलोभन देखाउने, तथा सेटिङ गर्ने गरेको थिए । उनिहरुलाई सार्वजनिक अपराधमा मुद्धा चल्ने प्रहरीले जनाएको छ । हाम्रो रिपोर्ट प्रशारण भएसँगै सुरक्षा निकायसँग समन्वय गरेर थप कडाई गरिएको श्रम कार्यालयका प्रमुख खतिवडाले बताए ।
तर जबसम्म कर्मचारी, सुरक्षा निकायको नियतनै सुधार हुँदैन तबसम्म केही ब्यक्ति पक्राउ पर्दैमा समस्या भने समाधान हुँदैन ।
-न्यूज 24
