तितोपाटी – म्याग्दी अन्नपूर्ण गाउँपालिका ७ दोसल्लेकी २६ वर्षीया सुष्मा पुनको भिरबाट लडेर मृत्यु भएको छ ।
हिन्दू धर्मावलम्बीहरुको महान चाड बडा दशैको अवसरमा टीका लगाउन माइतीघर जाने क्रममा रघुगंगा गाउँ पालिका -६ काेटगाउँस्थित ढालेगौडाको भिरबाट लडेर मृत्यु भएको हो ।
कोटगाउँस्थित माइतीघरमा श्रीमान र छोरीसहित जाँदै गरेकी पुनको बाटोबाट डेढ सय मिटर तल खसेर ज्यान गएको जिल्ला प्रहरी कार्यालय म्याग्दीले जनाएको छ ।
भिरबाट बिहीबार राती खसेकी पुनको शव शुक्रबार बेनी अस्पतालमा परीक्षण गरेर शनिबार आफन्तको जिम्मा लगाइएको छ ।
