राज मल्ल – कुवेतमा एक जना नेपाली घरेलु कामदारको करेन्ट लागेर मृत्यु भएको छ । मोरंङ्गकी फुलमाया बि .क. को कुवेतको जिलिबमा निधन भएको हो । बेलवारी -५ मोरंङ्गकी अन्जादी ३९ बर्षिया फूलमाया बिं.कको मंगलवार बिहान जिलिवमा करेन्ट लागेर निधन भएको जनाइएको छ ।
घरेलु कामदारको रुपमा करिव ७ महिना पहिले कुवेत आएकी फुलमाया आइतवार मात्र स्पोन्सरको घरबाट भागेर इलिगल भइ जिलिव पुगेर कामको खोजीमा रहेको बुझिएको छ । फुलमायाको पोष्टमार्टम रिपोटमा करेन्ट लागेर मृत्यू भएको जनाइएपनि आफै लगाएको वा लागेको भन्ने वारे केही खुलेको छैन ।
यस बारेमा नेपाली राजदूतावासमा बझ्दा दूतावास कुवेतका प्रथम सचिब तथा सुचना अधिकारी भोगेन्द्र लिंगदेनले घटनाको पुष्टि गर्दै मृतकको परिवार सम्पर्कमा आइसकेको र जति सक्दो चाँडो शव नेपाल पठाउने तयारी रहेको बताए।
