तितोपाटी – विज्ञान र प्रविधिको चमत्कारले संसारमा अब असम्भव भन्ने कुरा केही छैन भन्न सकिने अबस्था अाइरहेको छ । विभिन्न अाविश्कार मार्फत मानिसलार्इ सर्वेसर्वा बनाएको यस पृथ्वीमा हामीले मानिसका बच्चा टेस्ट्युब प्रविधि मात्र जन्माएको कुरा त देखे जाने सने हो तर विश्वमा सिंहको जनसंख्या घट्दै गएपछि वैज्ञानिकहरूले टेस्टट्युबमार्फत पहिलो पटक सिंहको शिशुलाई जन्मदिन सफलता प्राप्त गरेका छन् ।
युनिभर्सिटी अफ प्रिटोरियाका वैज्ञानिक एवं चिकित्सकहरूले दक्षिण अफ्रिकाको उकुटुलु संरक्षण क्षेत्रको सिंहमा उक्त सफलता हात पारेका हुन् । सो परिक्षणमा सफलता मिले पछि वैज्ञानिकहरू अन्य जनावरहरूमा पनि यो प्रविधि प्रयोग गर्न उत्सुक भएका छन् ।
यो सफलतापछि अरू लोपोन्मुख जनावरहरूको जनसंख्या बढाउन मद्दत पुग्ने आशा पलाएको छ । सिंहको टेस्टट्युब बेबी जन्माउने क्रममा इन्भिट्रो फर्टिलाइजेसन (आईभिएफ) प्रविधिवाट भाले सिंहको शुक्रकीटलाई पोथी सिंहको पाठेघरमा प्रत्यारोपण गरेर गर्भवती बनाइएको थियो ।
