तितोपाटी – तितोपाटी- मलेसियाका मानव संशाधन मन्त्री एम कुलासेगरनले कामदार आदानप्रदान सम्वन्धि मलेसियाको प्रस्ताव नेपालले सैद्धान्तिक रुपमा स्वीकारेको बताएका छन् । “नेपालले मलेसियाको प्रस्ताव सैद्धान्तिक रुपमा स्वीकार गरेको छ” मलेसियाको सरकारी सञ्चार माध्यम बनर्माले मन्त्री कुलालाई उधृत गर्दै लेखेको । उनले अव यसलाई मन्त्रीपरिषदमा लगिने र पारीत गर्ने बताएका छन् ।
उनले कामदार आपूर्ति सम्वन्धि समस्या एमओयू पश्चात छिट्टै समाधान हुने विश्वास समेत व्यक्त गरेका छन् । मन्त्री कुलाले नेपाल आफ्ना नागरिकलाई मलेसियामा रोजगारीका लागि पठाउन ईच्छुक भएपनि चर्को आर्थिक शोषणलाई रोक्न उसले पछिल्लो कदम उठाएको धारणा राखेका छन् । पत्रकारसँगको कुराकानीमा मन्त्री कुलाले नेपाली लगायत अन्य केहि मुलुकका कामदारबाट अरवौं रुपैंयाँ उठाएको अभियोग लागेपछि बेष्टिनेटलाई निलम्वीत गरिएको बताए ।
मलेसियास्थीत नेपाली दूतावासका अनुसार मलेसियाको प्रस्ताव नेपाल पठाइसकिएको छ ।
साभार- देश परदेश
