Wednesday 18th November 2026

दिपायलमा राजधानीको माग गर्दै धनगढीमा प्रदर्शन


तितोपाटी- प्रदेश ७ को राजधानी डोटीको दिपायल हुनुपर्ने माग गर्दै डोटीका बासिन्दाले धनगढीमा आएर प्रदर्शन गरेका छन् ।

पहिलेको क्षेत्रीय सदरमुकाम रहेको दिपायलका बासिन्दाले राजधानीको माग गर्दै अहिले अस्थायी राजधानी रहेको धनगढीमा आएर प्रदर्शन गरेका हुन् ।

यसअघि राजधानीकै लागि लगातार ६४ दिनसम्म डोटीमा आन्दोलन गरेको सघर्ष समिति, प्रदेश राजधानी र नामका बारेमा प्रदेश सभामा प्रक्रिया अघि बढेसँगै धनगढी पुगेको हो ।

उक्त समितिले मंगलबार मुख्यमन्त्री त्रिलोचन भट्ट र सभामुख अर्जुन बहादुर थापालाई भेटेर डोटीको दिपायलमा राजधानी तोक्न माग गर्दै ज्ञापन बुझाएको छ ।

संघर्ष समितिका सयोजक तथा डोटी उद्योग वाणिज्य संघका अध्यक्ष नरेन्द्र खड्का लगायतको टोलीले ज्ञापनपत्र बुझाउदै भौगोलिक अनुकुलता, ऐतिहासिक गौरव, भाषिक तथा सास्कृतिक पहिचान, पहाडी क्षेत्रको जनसख्या, भौतिक पूर्वाधार र सुरक्षा तथा सामरिक महत्वलाई ध्यान दिदै पहाडमा राजधानी तोक्न दवाव दिएको जनाएको छ ।

यसअघि पनि उक्त समितिले ६४ दिन डोटीमा आन्दालन गरेको थियो । तर सरकारले धनगढीलाई अस्थायी राजधानी तोकेको थियो ।

साउन १४ गतेको प्रदेशसभा बैठकले प्रदेशको राजधानी र नामाकरणका विषयमा सुझाव सकलन गर्न समिति गठन गरेसँगै समिति फेरि सक्रिय भएको हो ।

साभार देशसंचार


सम्बन्धित शीर्षकहरु

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

कुवेतमा आयोजनामा हुन गइरहेको प्रथम मुजैनी–पूर्वेली टाइगर गोल्ड कप २०२६ फुटबल पर्व–मेला को सम्पूर्ण तयारी अन्तिम चरणमा पुगेको आयोजकले जनाएको…

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

प्रतिकृयाहरू
...