Wednesday 18th November 2026

जिफन्ट सपोर्ट ग्रुप कुवेतले दूतावासमा ज्ञापनपत्र बुझाउने


तितोपाटी- जिफन्ट सपोर्ट ग्रुप कुवेतले घरेलु कामदारले विदामा घर गएर फर्कन पाँउनु पर्ने माग गर्दै कुवेत स्थित नेपाली दुताबासमा ज्ञापनपत्र बुझाउने भएको छ |

कुवेतबाट विदामा घर फर्केका नेपाली घरेलु महिला तथा पुरुष कामदारले पुनः सोही रोजगारीमा फर्कन पाउनु पर्ने जिफन्ट सपोर्ट ग्रुप कुवेतले सरकार समक्ष जोडदार माग गरेको छ |

जिफन्ट सपोर्ट ग्रुप कुवेतले आउदो आइतबार अर्थात् अगष्ट ५ तारिख यहाँ कार्यरत घरेलु महिला तथा पुरुष कामदारहरुको उल्लेख्य उपस्थितिमा बिभिन्न माग सहितको ज्ञापनपत्र बुझाउने अध्यक्ष गणेश रावतले जानकारी दिए |

बर्षौ देखि घरेलु कामदारको रुपमा ड्राइभर, कुक र हाउस व्वाइ पुरुष तथा महिला बैधानिक बाटो प्रयोग गरि पटकपटक श्रम स्वीकृत लिई कुवेतमा काम गर्दै आएकाको बिशेष प्रकृति हेरेर नेपाली दूतावासले त्यस्ता घरेलु कामदारलाई श्रम स्वीकृति दिन श्रम बिभागलाई पत्र जारी गरिदिने व्यवस्था तत्काल सुरु गर्न जिफन्टले भनेको छ |

जिफन्ट कुवेतले यहाँ कार्यरत घरेलु महिला तथा पुरुष कामदारहरुलाई आइतबार बिहान ११ बजे कुवेत स्थित नेपाली दुताबासमा आउन पनि अनुरोध गरेको छ |

बिदामा आउने घरेलु कामदारहरुले सम्बन्धित पुरानै रोजगारी आफ्ना लागि सुरक्षित रहेको महशुस गरेर नै पुनः त्यही रोजगारीमा जान खोजेको प्रष्ट भएपनि सरकारले रोक्नु कामदारको हितमा नभएको जिफन्टको ठम्याई छ |

नेपाल सरकारले कुवेत, ओमन, यु.ए.ई, साउदी, कतार लगायत खाडी मुलुकमा नेपाली महिला तथा पुरुष कामदारहरुलाई घरेलु काममा जान र बिदामा घर आइसकेपछि उनीहरुलाई पुनः सम्बन्धित देशको पुरानै रोजगारीमा जान समेत रोक लगाएको छ |

सरकारले बैधानिक रुपमा घरेलु कामदार पठाउन रोक लगाएको भएपनि अबैध रुपमा अन्य बाटो प्रयोग गर्दै खाडी मुलुकमा भित्रने प्रवृति भने रोकिएको छैन |

नेपाली दुताबास कुवेतको तथ्यांक अनुसार करिब ४० हजार महिला तथा पुरुष नेपाली कामदार घरेलु कामदारका रुपमा रहेका छन् | बिगतदेखि नै कुवेतमा कार्यरत घरेलु कामदारहरुले विदामा घर फर्कन पाँउनु पर्ने माग गर्दै आएका छन् |
साभार- हाम्रोसंचार


सम्बन्धित शीर्षकहरु

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

कुवेतमा आयोजनामा हुन गइरहेको प्रथम मुजैनी–पूर्वेली टाइगर गोल्ड कप २०२६ फुटबल पर्व–मेला को सम्पूर्ण तयारी अन्तिम चरणमा पुगेको आयोजकले जनाएको…

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

प्रतिकृयाहरू
...