Friday 29th March 2024

युएइमा हृदयघातका कारण कोमामा पुगेका एक नेपालीलार्इ उपचार खर्च अभाव


तितोपाटी – ईलाम घर भएका जङ्गबहादुर लुङगेली एक महिना देखि दुबईको एक अस्पतालमा उपचारत छन् ।बैदेशिक रोजगारको शिलशिलामा केही महिना अगाडी दुबई पुगेका लुङगेली दुबईको फार्म फ्रेश एलएलसी कम्पनीमा कार्यरत थिए । उनलाई जुन १९ तारीखका दिन अकस्मात हृदयघात भएपछि नजिकैको एनएमसी अस्पतालमा भर्ना गरिएको थियो ।

उनको अवस्था स्थीर रहेकोले भेन्टिलेटरमा राखिएको अस्पतालले जानकारी दिएको छ । बिरामीको उपचारको लागि हालसम्म १ लाख १४ हजार दिर्हाम (३४ लाख रुपैयाँ) खर्च भइसकेको र ईन्सुरेन्स कम्पनीले थप रकम नबेहोर्ने भएपछि आर्थिक समस्या भएको चेतन बरालले जानकारी दिएका छन् ।

युएईका लागि कार्यबाहक राजदुत सागर फुयाँल र श्रम सहचारी मोतीराम भुसालले मंगलबार अस्पतालमा पुगेर बिरामीको बारेमा जानकारी लिएका थिए । फुयाँलले अस्पताल र कम्पनीका प्रतिनिधिहरुसँग पनि छलफल गरेका थिए । बिरामीको थप उपचारको खर्च र नेपाल पठाउन लाग्ने खर्चको बारेमा पनि कम्पनी प्रतिनिधिसँग कुरा भएको श्रम सहचारी मोतीराम भुसालले जानकारी दिएका छन् । भुसालका अनुसार बिरामीलाई चाँडै नै नेपाल पठाईनेछ ।


सम्बन्धित शीर्षकहरु

जापानमा कोलेस्ट्रोल कम गर्न प्रयोग गरिने ‘डाइटरी सप्लिमेन्ट’ (औषधीय आहार) का कारण दुई जनाको मृत्यु हुनुका साथै १०० जनाभन्दा बढी…

ग्लोबल आइएमई बैंक र विश्व बैंक समूहको सदस्य अन्तर्राष्ट्रिय वित्त निगम (आईएफसी) बिच जोखिम व्यवस्थापन, जलवायु वित्त तथा लैङ्गिक वित्त…

"पाँच तत्त्व पाँचै विकार, पञ्चाङ्ग नै ठिक आधार" विधा :- पञ्चाङ्ग अभ्यास गर्ने थलो :- पञ्चाङ्ग साहित्य समाज वर्ष ३…

प्रतिकृयाहरू
...