तितोपाटी – सिस्ने गाउँपालिका–५, धार्पानीमा जिप दुर्घटना हुँदा ४ जनाको मृत्यु भएको छ ।
सिस्ने गाउँपालिकाको रुकुमकोटबाट धौलापैरा भन्ने ठाउँमा जाँदै गरेको लु १ ज २५७३ नम्बरको जिप बुधबार दिउँसो २ बजे धार्पानीमा दुर्घटना हुँदा घटनास्थलमै ४ जनाको मृत्यु भएको हो ।
मृतकको पहिचान हुन सकेको छैन । दुर्घटनामा १० यात्रु घाइते भएका जिल्ला प्रहरी कार्यालयले जनाएको छ ।
अहिले उद्धार कार्य चलिरहेको छ । घटनास्थलमा नेपाली सेना, नेपाल प्रहरी र स्थानीय उद्धारमा खटिएका छन् । जिप सडकबाट करिब एक सय मिटर तल खसेको छ ।
वर्षाको समयमा बाटो चिप्लो भएका कारण जिप दुर्घटना भएको हुन सक्ने अनुमान गरिएको छ ।
