Wednesday 18th November 2026

मलेसियाका विभिन्न ठाउँमा व्यापक प्रहरी परिचालन


मलेसियामा अवैधानिक रुपमा बसिरहेकाहरुलाई पक्राउ गर्ने अभियान सुरु भएको छ । साताको पहिलो दिन नै बुकित विन्ताङ क्षेत्रमा व्यापक रुपमा प्रहरी परिचालित भएको मलेसियाबाट रमेश कुमार थारुले जनाएका छन् । उनका अनुसार सो क्षेत्रमा रहेका बंगलादेशी नागरिकले सञ्चालन गरेका पसलहरु विहानै देखि बन्द छन् ।

विभिन्न देशबाट आइ ईल्लिगल(अवैधानिक) रुपमा बसिरहेका आप्रवासी कामदारलाई पक्राउ गर्ने अभियान मलेसियाले आज(आइतवार) देखि सुरु तिव्र बनाएको हो । यसक्रममा अवैधानिक रुपमा बसिहेका त्यस्ता कामदार बस्ने सम्भावित क्षेत्रमा व्यापक धरपकड अभियान चलाइने मलेसियाको प्रहरीले यसअघि नै चेतावनी दिइसकेको छ ।

यसअघि अवैधानिक रुपमा बसिरहेकाहरुलाई बैधानिक हैसियत प्राप्त गर्न मलेसिया सरकारले रिहायरिंग कार्यक्रम सञ्चालन गरेको थियो । सो क्रममा निश्चित शुल्क तिरेर कानूनी हैसियत प्राप्त हुने व्यवस्था थियो । तर सो व्यवस्थाको समय सकिएसँगै अव धरपकड सुरु हुने भएको हो । रिहायरिंगको समय समाप्त भइसकेपछि अवैधानिक कामदार पक्राउ परे त्यसरी पक्राउ पर्ने व्यक्ति र रोजगारदाता दुवैलाई भारी जरिवाना तथा जेल सजाय समेत हुने चेतावनी मलेसिया सरकारले दिइसकेको छ । यसक्रममा पक्राउ पर्नेहरु ५ बर्षसम्म जेल पर्न सक्नेछन् ।

तर पक्राउ पर्नु अघि नै दूतावासमा सम्पर्क गरेर कागजात बनाएर भनें अझै पनि घर फर्किन पाउनेछन् । आगामी अगष्ट महिनासम्ममा त्यसरी फर्किनेहरुले थप कानूनी झण्झट व्यहोर्नु पर्ने छैन । तसर्थ समयमै स्वदेश फर्किन क्वाललम्पुर स्थीत नेपाली दूतावासले यसअघि देखि नै पटक पटक आग्रह गर्दै आएको छ ।


सम्बन्धित शीर्षकहरु

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

कुवेतमा आयोजनामा हुन गइरहेको प्रथम मुजैनी–पूर्वेली टाइगर गोल्ड कप २०२६ फुटबल पर्व–मेला को सम्पूर्ण तयारी अन्तिम चरणमा पुगेको आयोजकले जनाएको…

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

प्रतिकृयाहरू
...