तितोपाटी – साढे दुइ महिनादेखि कुवेतमा कार्यरत एक नेपाली महिलाको अवस्था अज्ञात रहेको छ ।
पाल्पाको तानसेन नगरपालिका वडा नम्वर–१२ को लुङकु गाउँकी २५ वर्षिया लाली बिकको अवस्था अज्ञात रहेको आफन्तजनले बताएका छन ।
दुई वष अघि भारतको दिल्लीहुँदै कुवेतको एक घरमा काम गर्ने बिकलाई त्यस घर परिवारले यहाँ छाडेर अन्यत्रै गएको र विक साढे दुई महिनादेखि परिवारजनसंग फोन सम्पर्कमा समेत नरहेको गुल्मीको रुरु गाउँपालिका–१ , चिउरेकस्थित उनकी दिदी शान्ति बिकले बताईन् ।
उनले भनिन्–‘त्यस अघि बहिनी टेलिफोन सम्र्पक गरी राख्ने गरेको तर अहिले उनको फोन स्वीचअफ भएको छ । कुनै अप्रिय घटना नहोस् भनेर खोजीका लागि सञ्चार माध्यमको साहरा लिएका हौं । ’
उनका अनुसार उनकी विहिनी बिकलाई कपिलवस्तु तौलिहवा–४ कि सकुन्तला भन्ने महिलाले दिल्लीबाट त्यसतर्फ पठाएकी थिईन् ।
ऋण तिर्ने पैसा समेत नपठाई वेपत्ता भएको परिवारजनले बताए ।
बिकको उद्धारका लागि श्रम रोजगार तथा सामाजिक सुरक्षा मन्त्री गोकर्णराज विष्टको ध्यानकृष्ट गराउँदा उनले तत्काल आफ्नो सचिवालयलाई निर्देशन दिएर उनको खोजी र उद्धारका लागि पहल थाल्न लगाएका छन् ।
उनका स्वकिय सचिव गणेश श्रीपालीले भने–‘मन्त्रीज्यूको गम्भीर ध्यानकृष्ट भई निर्देशन भएको छ । हामीले तत्काल अग्रसरता देखाउने भएका छौं ।’
यस सम्बन्धमा नेपाली राजदूतावासका श्रम सहचारी ज्ञानेन्द्र शर्मालार्इ विषय अवगत गरार्इ स्थिति बुझ्न खोज्दा लाली बिकको विषयमा प्रारम्भिक जानकारी प्राप्त भर्इ अनुसन्धान भर्इरहेको र सम्पुर्ण विवरण प्राप्त गरे पछि सार्वजनिक गरिने बताए ।
