तितोपाटी – भारतको उत्तरी क्षेत्रको उत्तरा खण्ड राज्यमा आइतबार बस दुर्घटना हुँदा कम्तीमा ४७ जनाको मृत्यु भएको जनाएको छ ।
उत्तरा खण्ड राज्यमा पर्ने हिमालयन भन्ने ठाउँमा रहेको साँघुरो बाटोमा बस दुर्घटनामा परेको प्रहरी अधिकारीले बताएका छन् ।
‘दुर्घटनामा परी ४७ जनाको मृत्यु भएको छ, अरु कम्तीमा पनि तीन जना घाइते भएका छन्,’ एक जना प्रकोप व्यवस्थापन अधिकृत दिपेश चन्द्र कालाले भने । उनले घटनाका बारेमा खवर पाउने वित्तिकै उद्धार तथा सहयोगी टोली घटनास्थलमा पुगेर उद्धार गरेको पनि जानकारी दिए । दुर्घटनालगत्तै ३ वटा हेलिकोप्टर उद्धार कार्यमा जुटेका थिए ।
दुर्घटनामा ११ जना घाइते भएका छन् । घाइतेमध्ये ४ जनाको अवस्था निकै गम्भी रहेको जनाइएको छ । २८ सिटे बसमा ५० जना सवार रहेको र क्षमताभन्दा बढी यात्रु बोकेकोले बस दुर्घटनामा परेको प्रहरीको दाबी छ ।
उत्तराखण्ड राज्यका मुख्यमन्त्री त्रिवेन्द रावतले मृतकका परिवारलाई २–२ लाख रुपैयाँ क्षतिपूर्तिको घोषणा गरेका छन् भने घाइतेहरुलाई ५० हजार रुपैयाँ दिने घोषणा गरेका छन् ।
