Wednesday 18th November 2026

अमेरिकाको मेरिल्याण्डमा भएको चुनावमा नेपाली मुलका उम्मेदवार विजयी


तितोपाटी – संयुक्त राज्य अमेरिकाको मेरिल्यान्ड राज्य डिस्ट्रिक्ट ८ बाट राज्य विधान सभा सदस्यको लागि डेमोक्रेटिक पार्टीको प्राइमरी निर्वाचनमा नेपाली मूलका ह्यारी भण्डारी निर्वाचित भएका छन् । साथै भण्डारी डेमोक्रेटिक पार्टीको मेरिल्यान्ड राज्यको केन्द्रीय सदस्यमा पनि निर्वाचित भएका छन् ।

अमेरिकामा मध्यावधि निर्वाचनका रूपमा लिइने नोभेम्बर ६ मा हुने निर्वाचनमा ह्यारी भण्डारीले रिपब्लिकन पार्टीका उम्मेदवारसँग स्टेट डेलेगेटका लागि प्रतिस्पर्धा गर्नेछन् । अमेरिकामा पार्टीगत रूपमा राज्यस्तरको विधान सभाको सदस्यको प्राइमरी चुनाव र पार्टीको राज्यको केन्द्रीय समितिमा निर्वाचित हुने ह्यारी भण्डारी नेपाली मूलका पहिलो हुन् ।

नेपालको पर्वत जिल्लाबाट डेढ दशकअघि अमेरिका आएका ह्यारी भण्डारी मेरिल्याण्डको बाल्टिमोरमा बस्दै आएका छन् । भण्डारी पेसाले शिक्षक हुन् ।

भण्डारीले स्टेट डेलेगेटको डेमोक्रेटिक पार्टीको प्राइमरीमा ५३६७ मत प्राप्त गरेका थिए भने मेरिल्यान्ड डेमोक्रेटिक पार्टीको केन्द्रीय समितिको सदस्य पदमा ५७५६ मत प्राप्त गरी विजयी भएका हुन् ।

भण्डारीको विजयलाई अमेरिकाको नेपाली समुदायले चासो र महत्वका साथ लिएका छन् । निर्वाचनमा मेरिल्यान्ड राज्य र वरिपरिका राज्यबाट नेपाली समुदायबाट मतदान केन्द्रमा र प्रचारप्रसारमा यथेष्ट सहयोग पु¥याएका थिए । निर्वाचनमा विजय भएपश्चात् भण्डारीले अमेरिका अवसरको भूमि भएको र नेपाली आप्रवासीले पनि भावी सन्ततीको र अधिकारका लागि मिलेर सङ्घर्ष गर्नुपर्नेमा जोड दिए । भण्डारीले नोभेम्बर ६ मा हुने निर्वाचनमा पनि सहयोग गर्न नेपाली समुदायसँग अपिल गरेका छन् ।


सम्बन्धित शीर्षकहरु

-गोबिन्द राज ओझा (राजन ) अनन्त आकाशबीच चम्किने ताराका ज्योति हौँ हामी सबै, प्रकृतिका कणकणभित्र लुकेको चेतनाका मोती हौँ हामी…

कुवेतमा आयोजनामा हुन गइरहेको प्रथम मुजैनी–पूर्वेली टाइगर गोल्ड कप २०२६ फुटबल पर्व–मेला को सम्पूर्ण तयारी अन्तिम चरणमा पुगेको आयोजकले जनाएको…

भारतको सर्वोच्च अदालतमा बुधबारदेखि वैवाहिक बलात्कारसम्बन्धी १० वटा रिटमाथि सुनुवाइ भइरहेको छ। विवाहभित्र हुने जबर्जस्ती यौनसम्पर्कलाई अपराध मान्ने कि नमान्ने…

प्रतिकृयाहरू
...