तितोपाटी- पाल्पाकाे माथागढी गाँउपालिका वडा नम्बर ४, झडेवा सौरेनीमा युवकको कुटपिटबाट वृद्ध महिलाकाे हत्या भएको छ । गए राति सोही वडामा ३७ वर्षका मिनबहादुर विश्वकर्माले ७६ वर्षीया फूलमाया जिसीलाई कुटपिट गरेर हत्या गरेकाे जिल्ला प्रहरी कार्यालय पाल्पाले जनाएकाे छ । साे घटनामा बिकको आक्रमणमा परी ८२ वर्षीय श्रीमान् प्रेमबहादुर जिसी घाइते भएका छन । उनलाई उपचारकाे लागि लुम्विनी मेडिकल कलेज पठाइएकाेमा थप उपचारका लागि लुम्बिनी सिटी अस्पताल बुटवल रिफर गरिएकाे छ। वृद्ध दम्पति मात्रै रहेको रातको समयमा उक्त घटना भएको र कुटपिटमा हतियार खुर्पाको समेत प्रयाेग भएकाे स्थानीयले बताएका छन् ।
यसैवीच घटनामा संलग्न विश्वकर्मालाई प्रहरीले पक्राउ गरेकाे छ । घटना गराई घरमै गैर लुकुरे बसेकाे अवस्थामा उनलाई पक्राउ गरिएकाे जिल्ला प्रहरी कार्यालय पाल्पाका प्रहरी नायव उपरीक्षक हाेमप्रकाश चाैधरीले जानकारी दिनुभयाे । घटनाकाे विषयमा थप अनुसन्धान भइरहेकाे छ ।
