पाकिस्तानी सेनाले हिंसात्मक प्रदर्शनका योजनाकर्ताहरू लाई सजाय दिने वाचा गर्दै ईमरान खान र उनको पीटीआई लाई ध्वस्त बनाउने योजना बनाईरहेको छ । आफ्ना केही सदस्यहरूलाई हिरासतमा यातना दिएको उक्त पार्टीले बताए पछि सेनाले मानवअधिकार उल्लंघनको आरोपलाई समेत अस्वीकार गरेको छ।
पाकिस्तानी सेनाले भ्रष्टाचारको मुद्दामा पूर्व प्रधानमन्त्री इमरान खानलाई गिरफ्तारी गरेपछि जनताको स्वतस्फूर्त व्यापक विरोध र हिंसा निम्तिए पछि त्यसैलाई उपद्रव को संज्ञा दिएर खान र उनका नेताहरु विरुद्ध सेनाको आडमा योजनाहरु बनिरहेको बताईन्छ । बुधवार रावलपिंडीमा यसको शीर्ष अधिकारीहरूको बैठक पछि, सेनाले सैन्य प्रतिष्ठान र स्मारकहरूमा आक्रमण गर्ने मानिसहरूलाई न्यायको कठघरामा ल्याउन कटिबद्ध भएको बताए। खानको पाकिस्तान तहरीक(ए(इन्साफ ९पीटीआई० पार्टीले यसका केही सदस्यहरूलाई हिरासतमा यातना र शारीरिक दुर्व्यवहार गरेको बताएपछि बर्तमान सरकारले मानवअधिकार उल्लंघनको आरोपलाई पनि समेत अस्वीकार गरेको छ ।
‘यस सन्दर्भमा विकृति परिस्थितीको सृजना गर्ने प्रयास गरेर उल्टै काल्पनिक र मानवअधिकार उल्लङ्घनको आरोप लगाउने सबै कुरूप अनुहार लुकाउन धुवाँको पर्दा सृजना गर्ने प्रयास नितान्त व्यर्थ छ,’ सेनाले विज्ञप्तिमा भनेको छ । देशमा अराजकता सिर्जना गर्ने आफ्नो नापाक योजना पूरा गर्न राज्य र राज्यका संस्थाहरू विरुद्ध घृणा र राजनैतिक रूपमा विद्रोह गर्ने योजनाकारहरू र मास्टरमाइन्डहरूको वरिपरि कानूनको काँधमा कडाइ गर्ने समय आएको छ, सेनाले आफ्नो विज्ञप्तिमा थपेको छ। ।
खानलाई मे ९ मा इस्लामावाद अदालतको परिसरमा पक्राउ गरेपछि पूर्वप्रधानमन्त्रीका हजारौं समर्थकहरू देशभर सडकमा उत्रिएका थिए । प्रहरी र सरकारी भवनहरू, साथै सैन्य सम्पत्ति र प्रतिष्ठानहरू, अशान्तिको आक्रमणमा परेका थिए । सरकारले हिंसाका लागि खानका समर्थकहरूलाई दोष लगाएको छ तर पूर्व प्रधानमन्त्रीले आरोप अस्वीकार गर्दै स्वतन्त्र छानबिनको माग गरेका छन्। उनले शुरु देखि नै सेनाकै घुसपैठ भएको आरोप लगाउदै आएका छन ।
हिंसाको कारण हजारौं पीटीआई समर्थक, शीर्ष नेताहरू र पत्रकारहरूलाई हिरासतमा राखिएको छ । दमन अधिक हुन थाले पछि हालैका हप्ताहरूमा पीटीआईका ८० भन्दा बढी वरिष्ठ सदस्यहरूले पार्टी परित्याग गरेका छन्।
सत्तरी बर्षिय खान पूर्व क्रिकेटर हुन उनले लगातार भ्रष्टाचारको आरोप अस्वीकार गर्दै आएका छन्, आरोपहरू यस वर्षको अन्त्यमा हुने निर्वाचनमा उम्मेदवार हुनबाट रोक्नको लागि राजनीतिक रूपमा प्रेरित रहेको उनले भनेका छन । गत हप्ता जारी गरिएको एक विज्ञप्तिमा, न्यूयोर्क स्थित मानव अधिकार वाच (HRW) ले सरकारलाई सैनिक अदालतमा नागरिकहरूलाई मुद्दा नचलाउन आग्रह गरेको छ, यो अभ्यासले अन्तर्राष्ट्रिय कानून अन्तर्गत देशको दायित्वहरूको उल्लङ्घन गरेको छ।
गत महिना हिंसा सम्बन्धी आगामी परीक्षणका लागि दर्जनौं व्यक्तिलाई सेनालाई सुम्पिएको छ। बुधवार छुट्टै, पाकिस्तानको प्रहरीले बलुचिस्तान प्रान्तको राजधानी क्वेटामा एक वकिलको हत्यामा संलग्न भएको आरोपमा पनि खानको नाम दिएको छ। गत वर्ष उनको सत्ताबाट हटाइएदेखि, खान विरुद्ध हिंसा र आतंकवाद लाई उक्साउने सहित १०० भन्दा बढी मुद्दाहरू लगाईएको छ ।
दक्षिण एसियाका राजनीतिक जोखिम सल्लाहकार आरिफ रफिकका अनुसार सेनाको कथनले सेनाले अनावश्यक रूपमा खानको राजनीतिक करियर र उनको पार्टीको अन्त्य गर्न खोजिरहेको छ भन्ने कुरा स्पष्ट गरिरहेको संकेत का रुपमा लिएका छन । यसले न्यायपालिका लगायत अन्य कुनै पनि शक्तिलाई आफ्नो बाटोमा खडा हुन नदिने सङ्केत पनि गरिरहेको छ, उनले भने । क्वेटा हत्याकाण्ड र यस कथनमा प्रयोग गरिएको भाषाले सेनाले खानलाई मृत्युदण्ड हुनसक्ने मुद्दाहरूमा सम्भावित रूपमा मुद्दा चलाउनको लागि आधार तयार गरिरहेको संकेत गर्दछ, उनले थपे।
