Wednesday 18th November 2026

दशैंमा १५ लाख मानिस काठमाडौंबाट बाहिरिने अनुमान


दशैंका लागि काठमाडौं उपत्यकाबाट करिब १५ लाख मानिस आफ्नो घर फर्किने अनुमान गरिएको छ। तीमध्ये झण्डै १० लाख यात्रु सार्वजनिक सवारी साधन प्रयोग गर्नेछन्, जसले सडक र यातायात व्यवस्थापनमा ठूलो दबाब पर्ने देखिएको छ।

प्रतिवेदनअनुसार फूलपातीदेखि अष्टमीसम्मको समय सबैभन्दा व्यस्त हुनेछ। यस अवधिमा मात्रै २ देखि ३ लाख मानिस काठमाडौंबाट बाहिरिने अनुमान छ।

नागढुंगा नाका सबैभन्दा बढी चाप पर्ने स्थानका रूपमा चिनिएको छ। यात्रुहरूलाई टिकट पाउन समस्या, बढी भाडा असुली तथा ट्राफिक जामको जोखिम पनि रहेको बताइएको छ।

हालैका बाढी र पहिरोका कारण बीपी राजमार्ग, पृथ्वी राजमार्ग लगायतका सडकमा क्षति पुगेकाले यात्राको सुरक्षाबारे पनि चिन्ता बढेको छ। त्यसलाई ध्यानमा राख्दै सडक मर्मत र आपतकालीन उद्धारका लागि आवश्यक उपकरण तयारी अवस्थामा राखिएको सरकारले जनाएको छ।


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...