नासाको पर्सिभरेन्स (Perseverance) रोभर ले मंगल ग्रहको जेजेरो क्रेटर (Jezero Crater) क्षेत्रमा गरेको अध्ययनले त्यहाँको पानीको इतिहास वैज्ञानिकहरूले सोचेभन्दा धेरै जटिल रहेको देखाएको छ।
वैज्ञानिकहरूले पहिले जेजेरो क्रेटरमा रहेको “मार्जिन युनिट” नामक क्षेत्र पुरानो तालको अवशेषबाट बनेको ठानेका थिए। तर रोभरले त्यहाँ अपेक्षा गरिएको तलछटी चट्टान नभई ज्वालामुखीय (आग्नेय) चट्टान फेला पारेको छ।
अध्ययनअनुसार ती चट्टानहरू कम्तीमा तीन फरक समयमा पानीसँग सम्पर्कमा आएका थिए। पहिलो चरणमा भूमिगत पानीले चट्टानलाई परिवर्तन गर्यो, दोस्रो चरणमा प्राचीन तालको पानीले असर गर्यो र तेस्रो चरणमा तातो पानी चट्टानभित्र बगेको प्रमाण भेटियो।
वैज्ञानिकहरूले कार्बोनेट र सिलिका जस्ता खनिजहरू पनि फेला पारेका छन्, जुन पृथ्वीमा सूक्ष्म जीवका चिन्हहरू संरक्षण गर्ने खालका मानिन्छन्।
अनुसन्धानकर्ताहरूका अनुसार यो खोजले मंगल ग्रहमा अतीतमा जीवनका लागि अनुकूल वातावरण थियो कि थिएन भन्ने बुझ्न महत्वपूर्ण सहयोग पुर्याउनेछ।
source:
https://scitechdaily.com/nasas-perseverance-rover-finds-mars-had-a-far-more-complicated-water-history-than-expected/
