जबर्जस्ती करणी मुद्दामा नायक पल शाहलाई थुनछेक बहसका लागि नवलपुर पठाइएको छ। नवलपुर जिल्ला अदालतमा दर्ता भएको जबर्जस्ती करणी मुद्दामा थुनछेक बहसका लागि नायक शाहलाई नवलपुर पठाइएको जिल्ला प्रहरी कार्यलय तनहुँका प्रहरी नायब उपरीक्षक युवराज खड्काले जानकारी दिए।
उनका अनुसार नायक शाहलाई मंगलबार बिहान नवलपुर पठाइएको हो। सोमबार नवलपुर जिल्ला अदालतबाट आएको थुनछेक बहसको लागि उपस्थित गराइदिनु भन्ने पत्र अनुसार पल शाहलाई नवलपुर पठाइएको हो। चैत १० गते जिल्ला न्यायाधीश हरिशचन्द्र ढुंगानाले गरेको आदेशपछि पुर्पक्षका लागि नायक शाह थुनामा थिए। चैत ३ गते नवलपुरमा जबर्जस्ती करणी मुद्दा दायर भएको थियो।
