“माटो विषयका टुक्काहरू”
१/
प्रकृतिले विविध खनिज दिईन् यो देशको माटोलाई,
अविवेकी सन्तानले सकेनन् उजिल्याउँन बाटोलाई।
२/
सुन सरि मूल्यवान जडिबुटी यही माटोमा छरपस्ट,
आफ्नै घरको भेद नचिनी धाउँछौं अन्त रोग बोक्दै कष्ट।
३/
विश्व सामु कृषिप्रधान देश गनिन त गनिन्छ नेपाल,
बिडम्बना खेत बाँझो राखी बिदेशीन्छौँ सहदै अनिकाल।
४/
जतिपनि होलान् संसारभरका नवीन प्रविधि सिकौं घुमी,
सिपका दक्षता प्रयोग गरी बिकास गरौं आफ्नै मातृभूमि।
५/
कतै भेटिन्न अलौकिक माटो पहाड तराई हिमाल साथ,
पूण्यभूमि हो हाम्रो अवस्थित आराध्य देव पशुपतिनाथ ।
✍️ शर्मिला श्रेष्ठ, ललितपुर
हाल अमेरिका
१/
माटो मेरो मुटु
दुख्छ कुटुकुटु।
२/
माटो बिना तन
खाली हुन्छ मन।
३//
माटो रुँदा मन रुन्छ
देशभक्ति यस्तो हुन्छ।
४/
माटो उठाएर कसम खाएँ
किन फेरि घुसदेखि रमाएँ।
✍️ पौडेल विमुन्स, पोखरा
१,
आमा नै हुन् जन्मभूमि जननी,
बेची खाएका छन् शोसक बनी।
२,
आमा अनि माटो दुबै हुन् बराबरी,
जन्मभूमि बचाउँछु म आँफु मरी।
३,
मेरो देशको माटो राखेको छु छातीमा,
सधैं म निदाउँदा दिन अनि रातीमा।
४,
आफु भन्दा प्यारो लाग्छ म जन्मिएको माटो,
नेता मिली खाए देश बनाउँनु को साटो।
✍️ जगत थापा, बझाङ्ग
१/
जानकी माटाको लगाउँला चन्दन
छोडेर म जान सक्दिनँ यो बन्धन ।
२/
मातृभूमि हो स्वर्ग नठान्नू अपरम्
सदा म पूज्छु वन्दे नेपाल मातरम् ।
३/
एक मुठी माटोले बनेको मुटु मेरो
यो देशको सीमाना हो हृदयको घेरो ।
४/
माटामा पसिना थोपा पोख्छु म निरन्तर
फुल्छन् स्वणर्सरि दाना छैन केही अन्तर ।
५/
भेट्ने छैन है त्यसले जिन्दगीको बाटो
जसले भुल्छ आफ्नै मातृभूमिको माटो ।
✍️ श्रीकृष्ण शर्मा, पोखरा
१/
माटोबाटै त मान्छे बन्छ
देश के हो?मुटुले भन्छ।
२/
माटोमा नै सपना देखिन्छ
माटोकै इतिहास लेखिन्छ।
३/
माटोले पालेको छ तन
माटो हो संसारकै धन ।
✍️ भूषण जंग, ललितपुर, हाल अस्ट्रेलिया
१/
राख्नुहुन्न बाँझो जिमी छोड्नुहुन्न गाउँघर,
प्राण यही मट्टी जीवको परौँ यसकै भर।
२/
स्वाधीनता,पहिचान,गौरवगाथा सारा,
माटो देश-देश मुटु हो,गुञ्जिरहोस् नारा।
३/
हिमाल,पहाड,तराईको भूगर्भले धन्य!भनोस्,
अन्तिम पल देह मेरो यही भूमिको माटो बनोस् ।
✍️ धनु शर्मा, पोखरा
१/
मन जस्तो फराकिलो हुन्न कुनै पाटो ,
जतासुकै भएपनि प्यारो आफ्नै माटो ।
२/
छाती भित्र सजिएको नेपाल छ राम्रो ,
स्वाधीनता जगतैमा इतिहास हाम्रो ।
३/
एक्लै छोडी परिवार विदेशिनु साटो,
ज्ञान सीप लगाएर खेलाउँछु माटो ।
✍️ केशवप्रसाद ढकाल ’प्रीतबीज’
सिरान्चोक-७, उपल्लो गोहोरे, गोरखा
१/
स्वर्ग भन्दा प्यारो छ यसको नाता
यहीँ माटो त हो हाम्रो अन्नदाता ।
२/
यो कस्तो अनौठो सृष्टि भएको जगत
माटोमै पूर्खाको मिसिएको छ रगत ।
३/
माटोले विर्सनै नसक्ने लाको छ गुन
हाम्रो गाँस, बास, कपासको जननी हुन् ।
✍️ रिजाल विनोद , मोरङ्ग
१/
बिदेशी भुमिमा चर्को घामले रातदिन अताउँछ,
आफ्नै जन्मथलो को त्यो मायाले झनझन सताउँछ।
२/
विभिन्न थरिका अन्नपात फल्दछ,
अनेकौं औषधि राखे माटो मोर्दछ।
३/
माटो मै हुन्छ सबैको उब्जनिको आश,
हामी मानवको त्यसैमा हुन्छ नि बास।
✍️ शोभा अर्याल, बुटवल
१/
कल्पना बिहिन छ जीवन ञ् नभए माटो,
मृत्यु पछि आवश्यक छ हेर अर्को पाटो।
२/
आमा सरह नै पुजनीय मेरो देशको माटो,
कोटी प्रणाम छ-गास,बास र कपासको साटो।
३/
धैर्य अनि सहनशीलताको पाठ घोकाउँछ माटो,
सबथोक दिन्छ र माग्दैन, देखाउँछ त्यागको बाटो।
✍️ अरुण कुमार भुजेल , गोरूबथान,कालेबुङ्ग।
१/
आमा सरह माटो नै हुन् मेरी मातृभूमि जन्मदाता ,
यी हाम्री धर्ती छैनन् भने संसारनै रहनन् बिधाता ।
२/
सबै माटोमानै हुन्छ हाम्रो गास वास कपास ,
यीनैमा रहन्छ जन्मनु बाच्नु र मर्नुको खास ।
३/
माटो नभए केही उब्जदैन बन्दैन ,
यसले कसैलाई कोही केही भन्दैन ।
✍️ बेदु न्यौपाने, काठमाडौ
१/
माटो को आजै टीका लगाऊ
सङ्कल्प गरी सबै जगाऊ
२/
घान रोप्ने फाटमा घर उम्रनाले
किसानी भन्दा गुलामी रोजे बाले
३/
हामीले नै हो हराभरा बनाउने
भन त साथी कहिले हो रमाउने
✍️ रघु न्यौपाने, पोखरा
१/
जन्मभुमी प्यारो हुन्छ मनैमनले गुन,
परिश्रम गरे यहि माटोमा फल्छ सुन ।
२/
माटो राम्रो भयो भने बिरुवा राम्रो हुन्छ ,
अन्नबाली नफले त हाम्रो नि मन रुन्छ ।
३/
जिउँछु अब किसानी बनी ,
माटो बिना हुदैन उब्जनी ।
✍️ ललिता अभागी, सिन्धुली
१/
सुन फल्छ हिरा फल्छ,हो मेरो देशको माटो,
मकै फल्छ गहुँ फल्छ हाम्रो पसिनाको साटो।
२/
जन्मिएर ताते गर्दा त्यहि थियो माटो
कति मिठो हुन्थ्यो बरै मकैको त्यो आटो।
३/
आज सबै बाँझो मेरो पुर्खौली त्यही पाटो,
भन्छन् त्यसैलाई बनाए मोटरको बाटो।
४/
जन्मिने हुर्किने र त्यसैमा बिल्ने साटो,
त्यसैको त नाम हो मेरोदेशको माटो।
✍️ सुरेशकुमार पान्डे, दाङ घोराही-१८
१/
जन्मिएको थलो यहीँ धरामा सबै मान्छे धेरै,
आफ्नै मातृभूमिको नै त राम्रो लाग्छ माटो मेरै
ि
२/
माटो सबैको साझा हुन्छ ,
मान्छेको मन सारै छुन्छ
ि
३/
रगत बगाऊँ सबैले आफ्नै माटोमा,
राम्रो बनाऊँ मिलेर देशको बाटोमा
ि
४/
प्यारो लाग्छ सारै नै माटो आफ्नै देशको,
गर्नुपर्छ केही यहाँ राष्ट्रिय भेषको
ि
✍️ रिता खराल , रुपन्देही
१/
सुन चाँदी हिरामोती लगाउँनुको साटो
बरु लाउँछु निधारमा एकचिम्टी माटो ।
२/
दुनियाँको जीवन जीउँन माटो नै आधारभयो ,
प्रकृतिको बरदान सरि सतहमा रहिरह्यो ।
✍️ रामकृष्ण दुवाडी, पोखरा ।
१/
प्राण भन्दा प्यारो लाग्छ आफ्नै देशको माटो
कहाँ भुल्न सक्छु र आफूले हिँडेको बाटो।
२/
निधारमा माटोको टीका आऊ लगाएर
कम्मरलाई खुकुरी यो जाऊ सजाएर।
३/
मेरो देशको माटो उर्वर छ धेरै
जता जाऊँ उतै देख्छु जमिन मेरै।
✍️ मुक्तिनाथ अधिकारी, भरतपुर चितवन
