गजल
###
बहर:-मुजारे मुसम्मन अखरव
मफ्ऊल, फाइलातुन् ×२
डुल्दै छ भाइरस कति पोहोर साल जस्तो ।
सम्पूर्ण विश्व बन्ने भो ब्रह्मनाल जस्तो ।
मानव समाजलाई घरमा थुनेर राखी
यात्री बनेर कोभिड घुम्दै छ काल जस्तो ।
मार्यो अकालमा जन, बन्दैछ शत्रु कोभिड
फर्केर फेरि आयो उर्लेर छाल जस्तो ।
पार्यो बिजोग कोरोनाले रुवाउँदै मन
ओभाउँदैन आँखा पग्लिन्छ ताल जस्तो
छानेन वर्ग पेशा, जीवाणु रैछ निश्छल
बन्दैन रोग कहिल्यै नेता दलाल जस्तो ।
-धर्मिला कार्की
महाराजगन्ज-३, काठमाडौँ
