Sunday 29th September 2024

एनआरएनए नीति प्रतिष्ठानको अध्यक्षमा घले, पन्त र आचार्यले दिए बधाई


काठमाडौं (जीएनएन) —  गैर आवासीय नेपाली संघ (एनआरएनए) को नीति प्रतिष्ठानमा पूर्व अध्यक्ष एवम् प्रमुख संरक्षक शेष घले चयन भएका छन् ।

संघको बिहीबार बसेको पदाधिकारी (अफिस बेयरर्स) बैठकले घलेलाई नीति प्रतिष्ठानको अध्यक्षमा चयन गरेको हो । संघका अध्यक्ष कुमार पन्तले शुक्रबार  सो निर्णय सार्वजनिक गरेका हुन् ।अध्यक्ष पन्तका अनुसार प्रतिष्ठानका अन्य सदस्यहरु भने घले स्वयम्ले नै चयन गर्ने छन् ।

अध्यक्ष पन्तले नीति प्रतिष्ठानको अध्यक्षमा चयन भएकोमा घलेलाई बधाई दिँदै ‘नेपालको सामाजिक–आर्थिक विकास र समृद्धिका लागि सरकारसँग मिलेर नीतिगत पहलकदमीका पक्षमा काम गर्न उहाँलाई सफलता मिलोस्’ भनेका छन् ।

त्यस्तै, संघका सल्लाहकार एवम् पूर्व उपाध्यक्ष कुल आचार्यले संघको नीति प्रतिष्ठानको अध्यक्षमा चयन भएकोमा घलेलाई बधाई दिएका छन् । आचार्यले विगतमा ‘एनआरएनए : भिजन २०२० एण्ड बियोंड’  जस्तो दस्तावेज तयार पारेर संघलाई आधुनिक र समय सुहाउँदो संस्था बनाउन उनले निर्वाह गरेको भूमिकाको प्रशंसा गरेका छन् ।

बधाई सन्देशमा आचार्यले भनेका छन्, ‘आगामी दिनमा नेपाल र प्रवासमा रहेका थिंक ट्यांकहरुसँग सहकार्य गरी नेपालको सामाजिक, आर्थिक रुपान्तरणमा गैर आवासीय नेपालीहरुको भूमिकाबारे ठोस र रचनात्मक सुझाव  दिन प्रतिष्ठान सफल होस् भन्ने शुभकामना ।’

त्यसैगरी संघका उपाध्यक्ष सोनाम लामाले पनि संघका प्रमुख संरक्षक घले नीति प्रतिष्ठानको अध्यक्षमा चयन भएकोमा बधाइ दिएका छन् । लामाले नेपालको आर्थिक तथा सामाजिक विकासका लागि अनुकूल हुने गरी नीति निर्माणमा घलेलाई सफलता मिलोस् भन्ने शुभकामना पनि दिएका छन् ।


सम्बन्धित शीर्षकहरु

तमू गुरुङ जातिहरुको मौलिक पहिचान,जातिय उत्थान र एकताको निम्ती सम्पूर्ण तमूहरु एक हौ” भन्ने मुल उदेश्यको साथ २००९ मा स्थापना…

काठमाडौं : नेपालमा शुक्रबार बिहानैदेखि परेको अविरल वर्षाले बाढी र पहिरोका कारण प्रमुख सडक अवरुद्ध हुनुका साथै आन्तरिक हवाई उडान…

सफीद्दीन नसरल्लाहका चचेरे भाई हुन् र उनी जस्तै, इस्लामका पैगम्बर मोहम्मदको वंशलाई जनाउने कालो पगडी लगाउने धर्मगुरु हुन्। बेरुत उपनगरमा…

प्रतिकृयाहरू
...