Tuesday 17th November 2026

उच्च हिमाली क्षेत्रमा पदयात्रा नगर्न अध्यागमन विभागको आग्रह


अध्यागमन विभागले उच्च पहाडी तथा हिमाली क्षेत्रमा भारी हिमपात, हिमआँधी र हिमपहिरोको उच्च जोखिम रहेकाले केही दिनका लागि त्यस्ता क्षेत्रमा पदयात्रा नगर्न आग्रह गरेको छ।

विभागले मंगलबार एक अत्यावश्यक सूचना जारी गर्दै राष्ट्रिय विपद् जोखिम न्यूनीकरण तथा व्यवस्थापन प्राधिकरणको चेतावनीलाई आधार मान्दै कात्तिक १२, १३ र १४ गते उच्च पहाडी तथा हिमाली क्षेत्रमा प्रतिकूल मौसमको सम्भावना रहेको जनाएको छ।

सूचनाअनुसार उक्त अवधिमा पर्यटक तथा पदयात्रीलाई उच्च पहाडी र हिमाली क्षेत्रमा नजान तथा यात्रा गरिसकेका भए सुरक्षित स्थानमा बस्न अनुरोध गरिएको छ। साथै, सम्बन्धित क्षेत्रमा पदयात्राको अनुमति लिन खोजिरहेका पदयात्रीहरूलाई पनि जोखिम न्यूनीकरणका लागि यात्रा स्थगित गर्न आग्रह गरिएको छ।

अध्यागमन विभागले आजको मितिबाट उच्च जोखिम भएका क्षेत्रमा नयाँ पदयात्रा अनुमति जारी नगर्ने निर्णय गरेको जनाएको छ। विभागले ट्रेकिङ एजेन्सी, पदयात्री, पथप्रदर्शक तथा अन्य सरोकारवालालाई पनि मौसमसम्बन्धी सूचनाको पालना गर्न अनुरोध गरेको छ।

प्रतिकूल मौसमका कारण हिमाली क्षेत्रमा यात्रु र पर्यटकको सुरक्षामा चुनौती थपिन सक्ने भन्दै विभागले आवश्यक सावधानी अपनाउन सबैलाई आग्रह गरेको छ।


सम्बन्धित शीर्षकहरु

पखेटा छैनन्, उडूँ कहाँ म, आकाश टाढा छ, मनै भने प्रियको सम्झनामा, हराउँदै जान्छ। फूलका बगैँचा फुले पनि, मन फुल्न…

जर्मनी, डेनमार्क, अस्ट्रिया, ग्रीस र नेदरल्याण्ड्सले सन् २०२७ देखि रवान्डामा आप्रवासी फिर्ता केन्द्र खोल्ने योजना सार्वजनिक गरेका छन्। यो केन्द्रमा…

अमेरिकी गुप्तचर निकायले इरानले अमेरिकी भूमिमै ठूलो आक्रमण गर्न सक्ने सम्भावनाबारे नयाँ सूचना प्राप्त गरेको जनाएको छ। उक्त सूचनाअनुसार इरानले…

प्रतिकृयाहरू
...