गजल
(वसन्त तिलका छन्द)
सोझो फसाउन बनेछ विधान तिम्रो ।
कस्तो थियो अघि अहो अभिमान तिम्रो ।
के के थियो कसम बान्धवमा गरेको
या बिर्सियौ कि त अझै छ जमान तिम्रो ।
जो जो छ देश भरमा सब दिक्क नै छन्
को गाउला र अब खै गुणगान तिम्रो ।
आगो नफुक्नु खिचडी अब पाक्न छोड्यो
अग्लो छ तात्नु कसरी त ओदान तिम्रो ।
चिन्यो बुझ्यो सकलले कुन कर्म गर्छौ
गर्नैपर्यो मन नभै अपमान तिम्रो ।
केदारनाथ आचार्य
फर्पिङ
हालः अमेरिका ।
तितोपाटी-महिला, बालबालिका तथा जेष्ठ नागरिक मन्त्री सीता वादीले आफ्नो पाँच हप्ताको अनुभव बाँडेकी छन्। उनले १० बुँदामा आफ्नो अनुभव र…
तितोपाटी- बैशाख १८ गतेदेखि प्रदर्शनमा आउन लागेको चलचित्र 'लालीबजार' को प्रदर्शन रोक्न माग गर्दै उच्च अदालत पाटनमा रिट दायर गरिएको…
तितोपाटी-माइतीघर मण्डलामा धर्ना बसेकी शोभा पाठकमाथि हातपात भएपछि उपचारका लागि उनलाई अस्पताल पठाइएको छ ।जिल्ला प्रहरी परिसर काठमाडौंका एसपी पवन…
