राणातन्त्र राजतन्त्र प्रजातन्त्र अनि
लोकतन्त्र गणतन्त्र महामन्त्र पनि
आफ्नो स्वार्थ पुरा गर्न जपिएका मन्त्र
कोही पनि स्वार्थदेखि छैन स्वतन्त्र ।१।🌷🙏🌺
हाने जस्तो रोए जस्तो गरेका खै किन
ऐलेसम्म नेताज्यूको मन बुझिएन
शहिदको सरापले नेतालाई पोल्छ
सत्य कुरा एकदिन चट्टानले बोल्छ ।२।🌷🙏🌺
कोरोनाले सताएर पिल्सिएका बेला
नेताहरु देखाएका किन यस्तो लीला
के को लागि लड्छौ नेता बोल एकचोटि
लाज मर्नु पार्यौ किन फुकालेर धोती ।३।🌷🙏🌺
कुनै कुरा गर्नुअघि उद्देश्यको खोजी
गरिकन काम शुरु गर्नुपर्ने हो कि ?
यतिबेला चुनाबको के को खाँचो थियो ?
भन्ने कुरा अझैसम्म बुझिएन क्या हो ।४।🌷🙏🌺
आफ्नो गल्ति कोही पनि स्वीकारेको छैन
अरुमाथि मात्र दोष थोपरेको किन ?
जनताको कसैप्रति भरोसा नै छैन
यस्तो बेला मतदान गर्ने हामी किन?।५।🌷🙏🌺
-हरि शर्मा(गलकोटे कवि)
मिशिगन, अमेरिका । 🌷🙏🌺
