एकोहोरो मेरो मनलाई तान्यौ तिमीले ।
घाईते बनाई मुटुमा तिर हान्यौ तिमिले ।।
डर लाग्थ्यो मनका कुरा तिम्रो सामु भन्न
तिमील जे गर्यौ ठिकै गर्यौ जान्यौ तिमीले ।।
तिम्रो नजर किन होला पर्यो मै माथि
लाखौंमा एक मलाई नै छान्यौ तिमीले ।।
धन्यवादको पात्र तिमी म पनि धन्य छु
मलाई तिम्रो जिवनसाथी ठान्यौ तिमीले ।।
सुख-दुख जिन्दगीका सबै पाना संगालेर
रामको जिवन एक्लो थियो धान्यौ तिमीले ।।
-राम भण्डारी
सिन्धुपाल्चोक
हालः काठमाडाैं ।
