तितोपाटी – कुवेतमा कोरोना भाइरस (कोभिड-१९) बाट संक्रमितको संख्या आज जुन-०६, शनिवार ,२०२० का दिन सम्म पछिल्लो २४ घन्टामा थप ४८७ जना सहित ३१,१३१ पुगेको छ । कोरोनाका कारण मृत्यु हुनेको संख्या थप नयाँ १० जना सहित २५४ पुगेको कुवेत स्वास्थ्य मन्त्रालयले पुष्टि गरेको छ ।
कुवेतमा कोरोना संक्रमितको संख्या ३१,१३१ जना मध्ये १९,२८२ जनाले स्वास्थ्य लाभ गरिसकेका छन, भने पछिल्लो २४ घन्टामा १,००५ जनाले स्वास्थ्य लाभ गरेको अरब टाईम्स अनलाइनमा जनाइएको छ ।
पछिल्लो २४ घन्टाको तथ्यांक अनुसार ६७ जना भारतीय, १९५ जना कुवेती, ८१ जना इजिप्सियन र ४७ जना बंगालादेशी नागरिक सहित अन्य विभिन्न देशका नागरिक समेत रहेका छन ।
कोरोना भाइरस फर्वानिया क्षेत्रमा १५५ जना, हवालीमा ६९ जना, सिटीमा-४० जना, जाहारामा ८५ र अहमादीमा १३८ जनामा कोरोना भाइरस संक्रमणको पुष्टि भएको छ ।
कोरोना भाइरसबाट संक्रमित ३१,१३१ जना मध्ये ११,५९५ जना अस्पतालमा उपचाररत छन भने १८० जनाको स्वास्थ्य अवस्था निकै गम्भीर रहेको छ । कुवेतमा अहिलेसम्म ३,११,६२४ जनाको कोरोना परिक्षण गरिएको छ भने पछिल्लो २४ घन्टामा २,७२४ जनाको स्वाब परिक्षण गरिएको हो।
