हरि कृष्ण न्यौपाने – कोरोना भाईरस(कोभिड-१९)बाट कुवेतमा मेई-११तारिक सोमबार सम्म ९२८६ जना संक्रमित भएका छन।कुवेतको स्वास्थ्य मन्त्रालयले दिएको जानकारिका आधारमा द टाइम्स कुवेतले जनाए अनुसार पछिल्लो २४ घन्टामा ५९८ जनामा कोरोना संक्रमण देखिएको हो, जसमा ७९ जना कुवेती, १५९ जना भारतिय, १४० इजिप्सियन, ८७ बंगालादेशि र अन्य देशको नागरिकहरु रहेका छन।मेई ०३ तारिक सम्म ८४ जना नेपालीहरु संक्रमित भए पनि त्यस पछि भने सबै संक्रमितको राष्ट्रियता खुलाइएको छैन।यसै गरि पछिल्लो २४ घन्टामा ७ जनाको मृत्यु भएको छ भने कुवेतमा अहिले सम्म कोरोना संक्रमणबाट ६५ जनाको मृत्यु भएको छ।यसै गरि पछिल्लो २४ घन्टामा १७८ जनाले स्वास्थ्य लाभ गरेका छन।
केही दिन देखिको पछिल्लो प्रकाशित सरकरी डाटा हेर्दा अधिकांश संक्रमित आप्रबासीहरु रहेको देखिन्छ भने त्यसमा पनि भारतियहरु अत्याधिक रहेका छन।त्यसैले अहिले आप्रवासी कामदारहरु रहेका बासस्थानहरुमा कुवेत सरकारले विशेष निगरानी राखी रहेको छ।
आज प्रकाशि समाचारमा जनाईए अनुसार जम्मा ९२८६ संक्रमित मध्ये १३१ जना गम्भीर अबस्थामा रहेको जनाइएको छ भने अहिले सम्म २९०७ जनाले स्वास्थ्य लाभ गरिसकेका छन।
