तितोपाटी- आइसीसी क्रिकेट विश्वकप लिग २ मा नेपालद्वार अमेरिका पराजित भएको छ ।
लिग–२ मा नेपालको पहिलो जित भएको हो । शनिबार कीर्तिपुर खेल मैदानमा भएको खेलमा नेपालले अमेरिकालालाई ३५ रनले हराएको हो । खेलमा नेपालका खेलाडी कुशल मल्लले ब्याटिङतर्फ विश्व रेकर्ड राखेका छन् । उनले अर्धशतक बनाउँदै सबैभन्दा कान्छो उमेरमा अर्धशतक बनाउने विश्व रेकर्ड राखेका हुन् । नेपालले दिएको १ सय ९१ रनको लक्ष्यसहित जवाफी ब्याटिङ गरेको अमेरिका ४४ ओभर १ बलमा अलआउट हुँदै १५५ रनमा समेटियो । अमेरिकाका लागि इयान होलाण्डले अर्धशतकीय इनिङ्स खेलेपनि टोलीलाई हारबाट जोगाउन सकेनन् । खराब सुरुवात गरेको होलाण्डले १ सय ११ बलमा ७ चौकासहित ७५ रन बनाए । यस्तै क्यामरुन स्टेभेनसनले १९ रन जोड्दा कारिमा गोरेले १० रन बनाए । नेपालका करण केसीले ४ विकेट लिए । यस्तै सुशन भारीले ३ विकेट लिंदा सन्दीप लामिछानेले २ र कुशल मल्लले १ विकेट लिए । यस अघि टस हारेर पहिले ब्याटिङ गरेको नेपालले ४९ ओभर २ बलमा अलआउट हुँदै १ सय ९० रन बनाएका थिए ।
