तितोपाटी – तामाङ घेदुङ कुवेतद्वारा आयोजित २८५६ राष्ट्रिय सोनाम ल्होछार तथा वृहत् साँस्कृतिक कार्यक्रमको सम्पूर्ण तयारी पूरा भएको छ । सोनाम ल्होछार कार्यक्रम नेपालबाट अतिथि कलाकारको साथमा यहीँ आउदो फेब्रुअरी ७ तारिक शुक्रबारको दिन कुबेतको जिलिब स्थित नोटिङ्गम ब्रिटिश स्कुलमा हुनेभएको छ ।
नेपालबाट अतिथि कलाकारहरु बहुचर्चित लोकप्रिय गायिका मिना लामा, अन्जु लामा, जोगलाल लामा र युबी मोंग्रेसको साथमा स्थानीय चर्चित कलाकारहरुको बेजोड प्रस्तुति रहने आयोजकले बताएको छ । कुबेतको जिलिब स्थित नोटिङ्गम ब्रिटिश स्कुलको हलमा मध्याह्न १२ बजे देखी शुरु हुने ल्होछार कार्यक्रममा तामाङ जातिको भाषा, धर्म, संस्कृति, भेषभुषाको संरक्षण र प्रबर्द्धन गर्ने उदेश्यका साथ कुवेतमा पनि हरेक वर्ष ल्होछार मनाउदै आएको छ ।
राष्ट्रिय सोनाम ल्होछार कार्यक्रमलाई भव्य र सभ्य रुपमा सफल बनाउनको लागि कुवेतमा कृयाशिल विभिन्न सघं-सस्थाका प्रतिनिधि, बुद्धिजीवी, समाजसेवी, व्यवसायी, भद्रभलाद्मी, पत्रकार, कलाकार, खेलाडी लगायत सम्पूर्ण कुवेतमा कार्यरत नेपाली दाजुभाइ तथा दिदिबहिनीलाई निमन्त्रणा गरिसकिएको छ । यदि कुनै कारण बस निमन्त्रणा गर्न छुट्न गएको खण्डमा यसै समाचारलाई निमन्त्रणा मानी उक्त दिनको कार्यक्रममा उपस्थित भइ शोभा बधाई दिनुहुन तामाङ कुवेत घेदुङले हार्दिक अनुरोध गरेको छ ।
कार्यक्रमको हुने स्थान, मिति र समय तपसिल बमोजिम रहेको छ ।
स्थान : नोटिङ्गम ब्रिटिश स्कुलको हल जिलिब
मिति : ७ फेब्रुअरी २०२० (शुक्रबार)
समय : मध्याह्न १२ बजे
कार्यक्रम : २८५६ राष्ट्रिय सोनाम ल्होछार
आयोजक :नेपाल तामाङ घेदुङ, कुवेत
